Tihlabelelo 50:1 - Siswati 1996 Bible

¹ Nkulunkulu wabonkulunkulu unguSimakadze lokhulumako. Umemetela emhlabeni wonkhe, kusukela emphumalanga kuye enshonalanga.

Tihlabelelo 50:1 Referencias Cruzadas

Genesisi 17:1

Kwatsi Abrama nasaneminyaka lengema-99 budzala, Simakadze wabonakala kuye watsi: “NginguNkulunkulu Somandla; hamba entsandvweni yami, ube msulwa.

1 Emakhosi 18:21

Elija wasondzela embikwesive, wafike watsi: “Kuyawuze kube ngunini solomane nindziyatela emkhatsini wemicondvo lemibili? Nangabe Simakadze anguNkulunkulu, landzelani yena; kodvwa nangabe Bhali anguNkulunkulu, landzelani yena.” Kodvwa sive asizange sikhulume.

1 Tikhronike 15:17

Ngako emaLevi akhetsa boHemani, umsa waJoweli; kubomnakabo akhetsa Asafa, umsa waBherekhiya; kubomnakabo emaMerari akhetsa Ethani, umsa waKhushaya;

1 Tikhronike 16:37

Davide wesuka washiya Asafa kanye nebangani bakhe embikwelibhokisi lesivumelwane saSimakadze, kutsi atewukhonta njalonjalo njengekwesidzingo salelo nalelo langa.

1 Tikhronike 25:2

Kumadvodzana a-Asafa bekuboZakhuri, naJosefa, naNethaniya, na-Asharela. Emadvodzana a-Asafa abephetfwe ngu-Asafa labephrofetha ngekulawulwa yinkhosi.

1 Tikhronike 25:6

Onkhe-ke lamadvodza abengaphansi kwemitsetfo yaboyise mayelana nemculo wasendlini yaSimakadze, imiculo lenemasimbali, nemalire, nemahabhu enkonzweni yasendlini yaSimakadze. Bo-Asafa, naJeduthuni, naHemani babengaphansi kwemtsetfo wenkhosi.

1 Tikhronike 6:24

naThahathi, umsa wakhe, na-Uriyeli, umsa wakhe, na-Uziya, umsa wakhe, kanye naShawula, umsa wakhe.

2 Tikhronike 29:30

Inkhosi Hezekiya kanye netiphatsimandla takhe bayala emaLevi kutsi advumise Simakadze ngemavi aDavide kanye newa-Asafa, umboniswa. Ngako bahlabela tingoma tekudvumisa bajabulile, bakhotsamisa tinhloko tabo bakhonta.

Nehemiya 9:32

“Ngako-ke manje, Nkulunkulu wetfu, lomkhulu kakhulu, nalonemandla, Nkulunkulu lowesabekako, yebo, wena logcina sivumelwane sakho selutsandvo, ungabenti bulukhuni bube yintfo lencane emehlweni akho, bona lobumatima lobehlele etikwetfu, nasemakhosini etfu, nakubaholi betfu, nasetikwebaphristi, nasetikwebaphrofethi, nasetikwabobabe betfu, nakuso sonkhe sive sakho, kusukela etinsukwini temakhosi ase-Asiriya kuze kube ngulamuhla.

Nehemiya 9:6

Bakhuleka batsi: “Wena Simakadze, nguwe wedvwa longuSimakadze. Wena wadala emazulu, ngisho nemazulu laphakeme kakhulu, kanye nato tigidzigidzi tetinkhanyeti, nemhlaba kanye nako konkhe lokukuwo, tilwandle kanye nako konkhe lokukuto. Wena ukugcina konkhe lokuphilako, netigidzigidzi tasezulwini tikhonta wena.

Tihlabelelo 113:3

Kusukela ekuphumeni kwelilanga, lize liyewushona, libito laSimakadze liyabongeka.

Tihlabelelo 73:1

Ngempela, Nkulunkulu ubaphatsa kahle baka-Israyeli nalabo labamsulwa etinhlitiyweni.

Tihlabelelo 74:1

Awu, Nkulunkulu! Usilahleleni sive sakho siphelane? Intfukutselo yakho ibhunyeleleni timvu telidlelo lakho?

Tihlabelelo 75:1

Siyakudvumisa, Nkulunkulu, siyakudvumisa, wena usedvutane nasibita libito lakho, sibalise ngemisebenti yakho lemangalisako.

Tihlabelelo 76:1

Nkulunkulu uyatiwa kaJuda, libito lakhe likhulu ka-Israyeli.

Tihlabelelo 77:1

Ngakhala kuNkulunkulu, ngakhala kuye, kuze atengiva.

Tihlabelelo 78:1

Hhawu, sive sami! Lalelani imfundziso yami, nibeke indlebe emavini ami.

Tihlabelelo 79:1

Awu, Nkulunkulu! Bahedeni sebangene efeni lakho, bangcolisa lithempeli lakho lelingcwele, bagucula iJerusalema bayenta tindzala.

Tihlabelelo 80:1

Sive, Melusi waka-Israyeli, wena lohola Josefa njengemhlambi wetimvu. Wena lohlala emkhatsini wemakherubhi, bonakala ngekukhatimula kwakho.

Tihlabelelo 81:1

Hlabelani kuNkulunkulu longemandla etfu, jabulani nidvumise Nkulunkulu waJakobe.

Tihlabelelo 82:1

Nkulunkulu ukhuluma emhlanganweni lomkhulu, wehlulela bonkulunkulu utsi:

Tihlabelelo 83:1

Awu, Nkulunkulu! Ungathuli, utente simungulu. Ungatsalalisi, Nkulunkulu.

Isaya 1:2

Lalelani, nine mazulu! Lalela nawe, mhlaba! Ngobe Simakadze sewukhulume, watsi: “Bantfwabami ngibondlile ngabakhulisa, kodvwa sebangihlamukile.

Isaya 37:20

Manje-ke, Simakadze Nkulunkulu wetfu, sephule esandleni sakhe, kuze yonkhe imibuso yemhlaba yati kutsi wena wedvwa, Simakadze, unguNkulunkulu.”

Isaya 54:5

Ngobe uMenti wakho yindvodza yakho, nguSimakadze longuSomandla libito lakhe, Longcwele waka-Israyeli unguMhlengi wakho, ubitwa ngekutsi nguNkulunkulu wemhlaba wonkhe.

Isaya 9:6

Ngobe tsine sitalelwe umntfwana, siphiwe indvodzana. Umbuso uyawubasemahlombe akhe. Uyawutsiwa nguMeluleki Lomangalisako, nguNkulunkulu Lonemandla, nguBabe Waphakadze, yiNkhosi Yekuthula.

Jeremiya 10:6

Awu, Simakadze umkhulu, kute lonjengawe; nemandla eLibito lakho makhulu kakhulu.

Amose 3:8

Nakubhodla libhubesi, ngubani longahlala angesabi? INkhosi Simakadze seyikhulumile, ngubani longahlala angaphrofethi?

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

Matewu 25:32

tonkhe tive temhlaba tiyawubutselwa embikwayo. Iyawubehlukanisa labanye kulabanye, njengemelusi ehlukanisa timvu netimbuti.

Joshuwa 22:22

“Somandla, Nkulunkulu, Simakadze! Somandla, Nkulunkulu, Simakadze! Yena uyati! Na-Israyeli kufanele ati! Nangabe loku bekukuhlubuka nekungalaleli Simakadze, ningacali nisishiye siphila lamuhla.