Tihlabelelo 5:9 - Siswati 1996 Bible

⁹ Kute liciniso emlonyeni wato, etinhlitiyweni tato kunekubulala, umphimbo wato ulithuna lelivulekile, lulwimi lwato lunebucili.

Tihlabelelo 5:9 Referencias Cruzadas

Ezra 8:21

Ngakhona lapho emseleni i-Ahava ngamemetela kutsi akuzilwe, khona sitewutitfoba embikwaNkulunkulu wetfu sicela kutsi asiphephise endleleni yetfu, nebantfwabetfu kanye nato tonkhe timphahla tetfu.

Tihlabelelo 27:11

Ngifundzise indlela yakho, Simakadze, ungihole endleleni lecondzile ngenca yetitsa tami.

Tihlabelelo 51:6

Ngempela, wena utsandza liciniso lelingekhatsi enhlitiyweni; ngako-ke uyawungifundzisa timfihlakalo tekuhlakanipha kwakho.

Tihlabelelo 52:2

Lulwimi lwakho lusonga lokubi lunjengensingo lekhaliphako, wena lowenta emacebo.

Tihlabelelo 62:4

Bafuna licebo lekumketula esikhundleni sakhe lesiphakeme, batsandza emanga. Ngemilomo yabo bayabusisa, kodvwa etinhlitiyweni tabo bayacalekisa. Cabanga.

Tihlabelelo 62:9

Bantfukatana bafanana nemoya nje, tikhulu nato tilite lelite. Nome bafakwa esikalini kanyekanye, balula kunemoya.

Tihlabelelo 64:6

Basonga tento letimbi bese batsi: “Silakhe ngebuciko lelicebo letfu.” Ingcondvo nenhlitiyo yemuntfu kujulile!

Tihlabelelo 69:19

Wena uyakwati kucoloshelwa kwami, nekuhlazeka kwami, ngehlelwa ngemahloni; tonkhe titsa tami tisembikwakho.

Taga 29:5

Umuntfu lolutsa makhelwane wakhe ambonge ngelite, utetsiya yena.

Isaya 26:7

Indlela yalolungile ibekile. Awu, wena Locondzile, wenta indlela yalolungile icondze.

Jeremiya 17:9

Inhlitiyo iyayengana ngetulu kwato tonkhe tintfo, futsi yonakele ngalokwengcile. Ngubani nje longayicondza?

Jeremiya 4:14

Maye kitsi, ngobe sibhujisiwe. Maye Jerusalema, geza bubi lobusenhlitiyweni yakho, khona utewusindziswa. Uyawuyifukamela kuze kube ngunini lemicabango yakho lemibi?

Mikha 6:12

“Bantfu bakini labatinjinga baphanga laba labamphofu, nani nonkhe ningulabacalemanga nalabakhohlisanako.

Lukha 11:39

Ngako iNkhosi yatsi: “Nine baFarisi, nigeza lingephandle lenkomishi nelipulede, kodvwa ngekhatsi nigcwele bumiti nebubi.

Lukha 11:44

Maye kini! Ninjengemadliza langasabonakali, nebantfu sebahamba etikwawo ngobe bangasawaboni.”

KubaseRoma 3:13

umphimbo wabo ulidliza lelikhamisile, ngetilimi tabo bayakhohlisa, ngaphansi kwetindzebe temilomo yabo kubindze shevu webunyoka.

1 kubaseThesalonika 2:5

Tsine asizange sikhulume emagama ekuyenga, njengobe nani nati, asizange futsi sibe nebucili bekufisa bunjinga, Nkulunkulu ungufakazi.