Tihlabelelo 5:11 - Siswati 1996 Bible

¹¹ Kepha abajabule bonkhe lababalekele kuwe, abahlabele ngenjabulo kuze kube phakadze. Babiyele labo labakutsandzako, kuze badvumise libito lakho.

Tihlabelelo 5:11 Referencias Cruzadas

Jobe 38:7

ngesikhatsi tinkhanyeti tentsatsakusa tihlabela kanyekanye, netingilosi tonkhe tihlatjeleliswa kujabula?

Tihlabelelo 2:12

Khotsamani etinyaweni tendvodzana, ingadzimate initfukutselele, nifele endleleni, ngobe lulaka lwayo luvutsa masinyane. Babusisiwe bonkhe lababalekela kuyo.

Tihlabelelo 35:27

Labo labatsakasele kutsi ngimsulwa abamemete ngekujabula batfokote, njalonjalo, batsi: “Akadvunyiswe Simakadze, lojabulela inhlalakahle yenceku yakhe!”

Tihlabelelo 40:16

Abatfokote bajabule kuwe, bonkhe labakufunako, labatsandza insindziso yakho basho njalo batsi: “Akudvunyiswe Simakadze!”

Tihlabelelo 58:10

Labalungile bayawujabula nababona kuphindziselwa kwalababi, bayawuklabhuta ngetinyawo tabo engatini yalababi.

Tihlabelelo 65:13

emadlelo embeswe yimihlambi, tifundza tibe bovu tju emabele, timemete kanyekanye ngekuhlabelela ngenjabulo.

Tihlabelelo 68:3

Kepha labalungile bayajabula betsabe embikwaNkulunkulu, bajabula nekujabula.

Tihlabelelo 69:36

Titukulwane tetinceku takhe tiyawuyidla ibe lifa lato, nalabo labatsandza libito laNkulunkulu bayawuhlala kuyo.

Zakhariya 9:9

Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

KubaseRoma 8:28

Siyati kutsi Nkulunkulu usebentisa konkhe kube lusito kulabo labamtsandzako, lababitwe ngekwenjongo yakhe.

1 kubaseKorinthe 2:9

Kodvwa njengobe kubhaliwe kutsi: “Loko liso lelingazange selikubone, nendlebe lengazange seyikuve, lokungazange kuphume enhlitiyweni yemuntfu, Nkulunkulu wakulungiselela labamtsandzako.”

YaJakobe 1:12

Ubusisiwe umuntfu lociniselako ekulingweni; ngobe nasaphumelele ekuvivinyweni kwakhe, uyakwemukeliswa umchele wekuphila lowetsenjiswa yiNkhosi kulabo labayitsandzako.

YaJakobe 2:5

Ase nilalele, bazalwane bami labatsandzekako! Nkulunkulu akabakhetsanga yini labaphuyile lapha emhlabeni kutsi babe ngulabacebile ekukholweni, netindlalifa embusweni lawetsembisa labo labamtsandzako?

Sembulo 18:20

Jabulani, nitfokote, nine mazulu. Jabulani nani labangcwele, nani baphostoli, nani baphrofethi; ngobe Nkulunkulu sewuyehlulele iBhabhulona, waniphindziselela kuyo!

Tikhulu 5:31

“Yebo, Simakadze, shangatsi tonkhe titsa takho tingabhubha. Kodvwa labo labatsandza wena bangakhanya njengelilanga naliphumako ngemandla alo.” Live laba nekuthula iminyaka lengema-40.