Tihlabelelo 5:10 - Siswati 1996 Bible

¹⁰ Tilahle ngelicala lato, Nkulunkulu, tente tibanjwe nguleto tingibe tato, tidzingise ngenca yetono tato letinyenti, ngobe phela setikuhlubukile.

Tihlabelelo 5:10 Referencias Cruzadas

2 Samuweli 15:31

Davide abesatjeliwe kwatsiwa: “Ahithofeli usemkhatsini walabo labenta luzungu lwekutsatsa bukhosi kanye na-Absalomu.” Ngako Davide wathandaza watsi: “Awu, Simakadze, gucula kweluleka kwa-Ahithofeli kube nebulima.”

2 Samuweli 17:14

Absalomu kanye nawo onkhe emadvodza aka-Israyeli batsi: “Leseluleko saHushayi, um-Akhi, sincono kunalesa sa-Ahithofeli.” Loku kwentiwa kutsi Simakadze abecondze kuswabisa leseluleko sa-Ahithofeli, kuze ehlisele bubi ku-Absalomu.

2 Samuweli 17:23

Ahithofeli watsi kube abone kutsi seluleko sakhe abakasilandzeli, wabophela imbongolo yakhe, waphuma, wabanga ekhaya kakhe lelalisedolobheni lakubo. Wacala walungisa kahle tonkhe tintfo tasemndenini wakakhe, wase uyatikhunga, wafa; wangcwatjwa edlizeni leyise.

2 Tikhronike 25:16

Watsi asakhuluma lomphrofethi, inkhosi yamjuba lulwimi yatsi: “Sesikubeke kutsi ube ngumeluleki wenkhosi yini wena? Thula! Ulahleka phansi khona nyalo!” Lomphrofethi wathula, kodvwa waloyela watsi: “Manje ngiyati kutsi Nkulunkulu sewumise kutsi akubulale, ngobe wente loku, wangete wasitsatsa seluleko sami.”

Esta 7:10

Ngako Hamani walengiswa kuleso sigodvo bekasigawulele kulengisa Modekhayi. Kutfukutsela kwenkhosi kwabotja.

Tihlabelelo 10:15

Juba sandla salomubi losikhohlakali, jezisa bubi bakhe, kuze kubete lokusalako.

Tihlabelelo 107:11

ngobe baphambana nemavi aNkulunkulu, bakwedzelela kuyalwa kwaLosetikwako Konkhe.

Tihlabelelo 17:13

Vuka Simakadze! Hlangabeta lomubi umlahle phansi. Sindzisa umphefumulo wami kuye ngenkemba yakho.

Tihlabelelo 31:18

Shangatsi imilomo lecala emanga ingabindziswa, ngobe ihlambalata lolungile, ikhulume ngekutigcabha nangekwedzelela.

Tihlabelelo 35:26

Bonkhe labatsakasela kuhlupheka kwami abahlazeke, badliwe ngemahloni, abembatsiswe emahloni nelihlazo labo labangicoloshelako.

Tihlabelelo 55:15

Titsa tami atitunywe kufa, tiye endzaweni yalabafile tisaphila, ngobe bubi busemakhaya nasetinhlitiyweni tabo.

Tihlabelelo 66:7

Nguye lobusa ngemandla kuze kube phakadze. Emehlo akhe ahlala alindze tive, labo labanenkhani abangatikhukhumeti. Cabanga.

Tihlabelelo 71:13

Shangatsi labo labafuna kuphila kwami bangadliwa ngemahloni babhubhe; shangatsi bangasibekelwa bubi nelihlazo labo labacondze kungilimata.

Tihlabelelo 79:12

Yebo, Simakadze, buyisela esifubeni sabomakhelwane betfu seyiphindvwe kasikhombisa lenhlamba labakuhlambalate ngayo.

Isaya 1:2

Lalelani, nine mazulu! Lalela nawe, mhlaba! Ngobe Simakadze sewukhulume, watsi: “Bantfwabami ngibondlile ngabakhulisa, kodvwa sebangihlamukile.

Isaya 1:20

kodvwa nanicinisa tinhloko nihlubuka, nitawudliwa yinkemba.” Umlomo waSimakadze sewukukhulumile loko.

Isaya 63:10

Noko, bamhlubuka, badzabukisa Moya wakhe Longcwele. Ngako-ke wagucuka waba sitsa sabo, yena cobo lwakhe walwa nabo.

Sililo 1:5

Titsa tayo setigucuke taba baphatsi bayo; titsa tayo tikhibikile. Simakadze sewehlisele kuyo kudzabuka ngenca yetono tayo letinyenti. Bantfwabayo bayiswa ekutfunjweni, sebatigcili kuto titsa tayo.

Danyela 9:5

sonile kuwe senta lokubi. Besibabi kakhulu, futsi sakuvukela; siphambukile sashiya imiyalo yakho nemitsetfo yakho.

Danyela 9:9

Simakadze Nkulunkulu wetfu unemusa nekutsetselela, nome nje sihlubukile kuye;

Hoseya 9:7

Emalanga esijeziso ayeta, yebo emalanga emphindziselo asasondzele, Israyeli kufanele akwati loko. Njengobe tono tenu titinyenti kangaka nebutsa benu bubukhulu kangaka, umphrofethi sewutsatfwa njengesilima, umuntfu wesembulo atsatfwe njengeluhlanya.

1 kubaseKorinthe 3:19

Ngobe kuhlakanipha kwalomhlaba kubulima kuNkulunkulu; futsi kubhaliwe kutsi: “Ubamba labahlakaniphile ebucilini babo,”

Dutheronomi 2:30

“Kodvwa Sihoni, inkhosi yaseHeshboni, akazange asivumele kutsi sendlule sidzabule live lakhe, ngobe Simakadze Nkulunkulu wenu wenta umoya wakhe waba lukhuni nenhlitiyo yakhe yaba nenkhani; loko wakwentela kutsi atekumnikela etandleni tenu, njengobe kunjalo lamuhla.

1 Samuweli 25:29

Nome ngabe kukhona lokucosha ngemuva afuna kukubulala, kuphila kwenkhosi yami Simakadze Nkulunkulu wakho utakuvikela ngekutsi akubophe inyandza kanye nalabaphilako. Kodvwa kuphila kwetitsa takho utakujikijela akulahle khashane njengelitje liphuma esidubulelweni.

1 Samuweli 25:39

Watsi kube Davide eve kutsi Nabali sewufile, watsi: “Akadvunyiswe Simakadze, longiphindziselele kuNabali ngekungetfuka kwakhe. Ungigcinile, ngangete ngakwenta lokubi, kodvwa wajezisa Nabali ngenca yekona kwakhe.” Davide watfumela livi ku-Abigayili, amsoma kutsi abe ngumkakhe.