Tihlabelelo 49:11 - Siswati 1996 Bible

¹¹ Emathuna alikhaya labo phakadze naphakadze; bayawuhlala kuwo siphelane, nome bake baba nemave letsiwa ngemabito abo.

Tihlabelelo 49:11 Referencias Cruzadas

Genesisi 4:17

Khayini wamati umkakhe, lowakhulelwa, watala Enoki. Khayini wase wakha lidolobha laletsa ngemsa wakhe, watsi yi-Enoki.

2 Samuweli 18:18

Ngesikhatsi sakhe Absalomu bekatakhele litje lesikhumbuto, waligcumeka eSihosheni Senkhosi, ngobe abecabange watsi: “Anginandvodzana letawuchubeka ivuse libito lami,” waletsa ngaye lelitje lesikhumbuto, nalamuhla loku solomane kutsiwa Litje la-Absalomu Lesikhumbuto.

Tihlabelelo 10:6

Enhlitiyweni yakhe ucabanga utsi: “Ngingeke nginyakatiswe, ngingeke ngibe nenhlanhla lembi titukulwane ngetitukulwane.”

Tihlabelelo 39:7

Manje-ke, Nkhosi, ngisalindzeleni? Litsemba lami likuwe.

Tihlabelelo 5:9

Kute liciniso emlonyeni wato, etinhlitiyweni tato kunekubulala, umphimbo wato ulithuna lelivulekile, lulwimi lwato lunebucili.

Tihlabelelo 64:6

Basonga tento letimbi bese batsi: “Silakhe ngebuciko lelicebo letfu.” Ingcondvo nenhlitiyo yemuntfu kujulile!

Umshumayeli 2:14

Umuntfu lohlakaniphile uyabona lapho aya khona, kodvwa silima sona sihamba ebumnyameni; noko ngase ngiyabona kutsi bobabili befikelwa siphetfo lesifananako.

Umshumayeli 2:21

Ngobe kunjalo, umuntfu umsebenti wakhe angawenta ngekuhlakanipha, nangelwati kanye nangekucophelela, kodvwa kufanele konkhe loko lokungekwakhe akushiyele umuntfu longakaze wakusebentela. Nako loko kulite nebubi lobukhulu.

Hezekeli 38:10

“ ‘Naku lokushiwo yiNkhosi Simakadze, itsi: Ngalelo langa kuyawufika imizindlo engcondvweni yakho, uyawukwakha lisu lelibi.

Lukha 11:39

Ngako iNkhosi yatsi: “Nine baFarisi, nigeza lingephandle lenkomishi nelipulede, kodvwa ngekhatsi nigcwele bumiti nebubi.

Imisebenti yebaPhostoli 8:22

Ngako, phendvuka kulelichinga lakho lelibi, uthandaze eNkhosini kutsi ikutsetselele ngekucabanga intfo lembi kangaka.

Dutheronomi 3:14

Jayire, umsa waManase, watsatsa sonkhe sifundza sase-Agobhu, kuze kuyewufika emnyeleni wemaGeshuri nemaMakhathi. Leyo ndzawo wayetsa ngaye; kuze kube ngulamuhla iBhashani yatiwa ngekutsi yiHavothi Jayire.

1 Samuweli 15:12

Ekuseni ngeluvivi Samuweli wavuka wahamba wayawuhlangabeta Sawula, kodvwa watjelwa kwatsiwa: “Sawula uye eKhameli, lapho efike watimisela litje lesikhumbuto ngaye, wase uyajika ubuyela entansi eGilgali.”