Tihlabelelo 48:8 - Siswati 1996 Bible

⁸ Njengobe sivile ngemisebenti layentile Nkulunkulu, namanje sesitibonele ekhaya laNkulunkulu Somandla, ekhaya laNkulunkulu wetfu. Lelo khaya Nkulunkulu uyawulakha, alicinise phakadze naphakadze. Cabanga.

Tihlabelelo 48:8 Referencias Cruzadas

1 Emakhosi 22:49

Ngaleso sikhatsi Ahaziya, umsa wa-Ahabi, wakhuluma kuJehoshafati, watsi: “Vumela emadvodza akami kutsi ahambisane nemadvodza akakho emikhunjini.” Kodvwa Jehoshafati wala.

Tihlabelelo 46:5

Nkulunkulu uhlala kulelo khaya, lingeke litanyatanyiswe, Nkulunkulu uyawulisita ekuseni entsatsakusa.

Tihlabelelo 87:5

NgeSiyoni kuyawukhulunywa kutsiwe: “Lona nalona batalelwa lapho, ngobe Losetikwako Konkhe uyayicinisa.”

Isaya 2:2

Ngemalanga ekugcina intsaba yelithempeli laSimakadze iyawucina, ibe ngulephakeme kwendlula tonkhe tintsaba; iyawuphakanyiswa ibe ngetulu kwemagcuma, tonkhe tive tiyawubekelela tiye kuyo tingasakhawuli.

Isaya 38:19

Ngulabaphilako, labaphilako bodvwa, labakudvumisako wena, njengaloku ngenta nje nami lamuhla. Bobabe batjela bantfwababo ngekwetsembeka kwakho.

Hezekeli 27:26

Bagwedli bakho bemikhumbi bakuvakashisa etilwandle letijulile. Kodvwa umoya wasemphumalanga uyawukucoba ube timvutfu ekhatsi emajukujukwini elwandle.

Mikha 4:1

Ngemalanga ekugcina intsaba yelithempeli laSimakadze iyawucina, ibe ngulephakeme kwendlula tonkhe tintsaba; iyawuphakanyiswa ibe ngetulu kwemagcuma, tive letinyenti tiyawubekelela tiye kuyo tingasakhawuli.

Matewu 16:18

Nami-ke ngitsi: UnguPhetro . Etikwalelidvwala ngiyakulakha libandla lami, nemandla ekufa angeke alehlule.