Tihlabelelo 48:10 - Siswati 1996 Bible

¹⁰ Yebo, Nkulunkulu! Ludvumo lwakho lufana nelibito lakho, luhamba luze lufike emaphetselweni emhlaba. Sandla sakho sangesekudla sigcwele kulunga.

Tihlabelelo 48:10 Referencias Cruzadas

1 Tikhronike 16:14

“Yena Simakadze unguNkulunkulu wetfu, tehlulelo takhe tisemhlabeni wonkhe.

Tihlabelelo 11:7

Simakadze ulungile, utsandza tento letinhle, labalungile bayawububona buso bakhe.

Tihlabelelo 113:3

Kusukela ekuphumeni kwelilanga, lize liyewushona, libito laSimakadze liyabongeka.

Tihlabelelo 145:17

Simakadze ulungile kuto tonkhe tindlela takhe, unemusa emisebentini yakhe yonkhe.

Tihlabelelo 45:7

Kulunga uyakutsandza, kodvwa uyakutondza lokubi. Ngako-ke, Nkulunkulu, longuNkulunkulu wakho, ukugcobise ngemafutsa enjabulo, wakuphakamisa ngetulu kwebangani bakho.

Tihlabelelo 99:4

Simakadze, nguwe losimise kulunga kwenkhosi letsandza kubusa ngekungakhetsi muntfu; nguwe lowehlisela lokuhle kuJakobe, waletsa kulunga nebucotfo.

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

Malakhi 1:14

“Ucalekisiwe umuntfu lotsi anesifuyo lesemukelekako lesidvuna emhlambini wakhe, afunge kutsi utawunikela ngaso, kodvwa bese uyesuka lapho unikela kuSimakadze ngalesinye lesinesici. Ngobe mine ngiyinkhosi lenkhulu, neLibito lami liyesatjwa etiveni tonkhe,” kusho Simakadze longuSomandla.

Dutheronomi 28:58

“Naningawalandzeli ngekunakekela onkhe emavi alomtsetfo labhalwe kulencwadzi, ningalihloniphi nalelibito lenkhatimulo lebabatekako, lelitsi: Simakadze Nkulunkulu wenu,

Joshuwa 7:9

EmaKhenani kanye naletinye tive takuletive titakuva ngaloku, bese tiyasivimbetela tilitsanyele liphele nya libito letfu emhlabeni. Utakwenta njani-ke ngeLibito lakho lelikhulu kangaka?”

Sembulo 19:11

Ngase ngibona lizulu livulekile, bekunelihhashi lelimhlophe. Lona bekaligibele abebitwa ngekutsi nguLotsembekile naLiciniso; umsulwa ekwehluleleni kwakhe nasekulweni kwakhe.

Sembulo 19:2

ngobe tehlulelo takhe tiliciniso timsulwa. Sewuyehlulele lengwadla lenkhulu leyabhubhisa umhlaba wonkhe ngebugwadla bayo; wakhiphela kuyo sibhongo sengati yetinceku takhe.”