Tihlabelelo 47:1 - Siswati 1996 Bible

¹ Nonkhe nine tive, shayani tandla. Hlokomani, nidvumise Nkulunkulu!

Tihlabelelo 47:1 Referencias Cruzadas

2 Samuweli 6:15

ngesikhatsi yena kanye nayo yonkhe indlu yema-Israyeli beta nelibhokisi lesivumelwane saSimakadze badvumisa ngekuhlabela nangekushaya emacilongo.

2 Emakhosi 11:12

Jehoyada wase ukhipa lomntfwanenkhosi wametfwesa umchele webukhosi, wamnika incwadzi yesivumelwane, wase umemetela kutsi uyinkhosi. Bamgcoba, bantfu base bashaya tandla, bamemeta, batsi: “Lunwele loludze, nkhosi.”

2 Tikhronike 13:15

kwatsi emadvodza akaJuda amemeta kutsi kuhlaselwe. Kwatsi kuloko kumemeta kwabo Nkulunkulu wacosha Jerobowamu nawo onkhe ema-Israyeli abalekela Abiya nemaJuda.

Tihlabelelo 106:47

Sisindzise, Simakadze, Nkulunkulu wetfu, sibutse etiveni usicocele ndzawonye, kuze sibonge libito lakho lelingcwele, sigungubale ngeludvumo lwakho.

Tihlabelelo 42:1

Njengendluzele yomele emanti emfula, kanjalo nemphefumulo wami ulangatelela wena, Nkulunkulu.

Tihlabelelo 46:1

Nkulunkulu siphephelo setfu nemandla etfu, utfolakala alusito ekuhluphekeni.

Tihlabelelo 47:5

Nkulunkulu ukhuphuke ngenhlokomo, Simakadze wenyuke nakukhala licilongo.

Tihlabelelo 98:4

Hlokomani nidvumise Nkulunkulu, nine bantfu bemhlaba. Mdvumiseni ngengoma yekujabula, nihlabele ngekumdvumisa.

Tihlabelelo 98:8

Imifula ayishaye tandla ibetsele. Tintsaba tihlabele kanyekanye ngenjabulo

Isaya 55:12

Nine niyawuphuma ngenjabulo nichubekele embili ngekuthula, tintsaba nemagcuma kuyawuhlokoma kuhlabele ingoma imbikwenu, kutsi tonkhe tihlahla tesiganga tishaye tandla tato.

Jeremiya 31:7

Naku lokushiwo nguSimakadze, utsi: “Hlabelani ngenjabulo kuJakobe; memetelani kulesive lesikhulu kunato tonkhe. Vakalisani kumdvumisa kwenu, nitsi: ‘Awu Simakadze, sindzisa sive sakho, imisalela yaka-Israyeli!’

Zefaniya 3:14

Hlabela, Ndvodzakati yaseSiyoni; memeta kakhulu, wena Israyeli! Jabula utfokote ngayo yonkhe inhlitiyo yakho, Ndvodzakati yaseJerusalema!

Zakhariya 4:7

“Uyini wena, wena ntsaba lenemandla? EmbikwaZerubhabheli uyawuba litsafa lelibekile. Yena-ke uyawubeka litje lekwephetsa lithempeli, kumenyetwe kutsiwe: ‘Nkulunkulu akalibusise! Nkulunkulu akalibusise!’ ”

Zakhariya 9:9

Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

1 Samuweli 10:24

Samuweli watsi kubantfu: “Niyambona-ke umuntfu lokhetfwe nguSimakadze? Kute namunye lofanana naye kubo bonkhe labanye bantfu.” Sive sonkhe samemeta satsi: “Lunwele loludze! Nkhosi!”