Tihlabelelo 45:4 - Siswati 1996 Bible

⁴ Yebo, gibela ngebukhosi bakho, uphume imphi, uyewuncoba, umele liciniso, uvikele nekulunga; shangatsi sandla sakho sangesekudla singafundzisa imisebenti yakho lesabekako.

Tihlabelelo 45:4 Referencias Cruzadas

Tihlabelelo 2:9

ubaphahlate ngentfonga yensimbi, ubaphihlite njengeludziwo lwembumbi.”

Tihlabelelo 60:4

Ubanike luphawu labakwesabako, wabenta bacocana ngaphansi kwalo, kuze bavikeleke emicibisholweni yetitsa. Cabanga.

Tihlabelelo 65:5

Usiphendvule ngemisebenti lemangalisako, wena Sokulunga; wena unguNkulunkulu wensindziso yetfu. Bonkhe bantfu emhlabeni wonkhe, nangesheya kwetilwandle, betsembele kuwe.

Isaya 11:5

Kulunga kuyawuba libhande lakhe, kwetsembeka kube ngumbhenso welukhalo lwakhe.

Zakhariya 9:9

Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

Matewu 11:29

Bekani lijoko lami etikwenu, nifundze kimi, ngobe mine ngimnene, ngitfobekile ngenhlitiyo, khona niyawutfola kuphumula kwemiphefumulo yenu;

Lukha 19:27

Njengamanje nje, tonkhe letitsa tami betingafuni kutsi ngibe yinkhosi yato, tiletseni la nitibulale embikwami.’ ”

Johane 1:17

Umtsetfo waniketwa ngaMosi; umusa neliciniso kwavela ngaJesu Khristu.

Johane 14:6

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.

2 kubaseKorinthe 10:1

Mine, Pawula matfupha, ngiyanincenga ngebumnene nangebubele baKhristu. Nginguye yena loPawula lenimtsatsa ngekutsi uyatikhobosa nasemkhatsini wenu, kodvwa abe nesibindzi kini nangekho embikwenu.

1 kubaseThesalonika 1:5

Ngobe liVangeli lesanishumayela lona alifikanga kini ngemavi kuphela, kodvwa lefika ngemandla, nangaMoya Longcwele, seneliseka kutsi inshumayelo yetfu iliciniso. Niyati kutsi sasitiphatsa kanjani ngesikhatsi sisemkhatsini wenu. Konkhe loko sasikwenta ngenca yenu.

1 kubaseThesalonika 2:13

Ngako-ke sibonga Nkulunkulu singakhawuli ngekutsi natsi nanemukela livi laNkulunkulu lenaliva kitsi, nalemukela, hhayi njengelivi lemuntfu nje kodvwa njengobe linjalo lilivi laNkulunkulu lelisebenta kini nine lenikholwako.

2 kubaseThesalonika 3:1

Kwekugcina-ke, bazalwane, sithandazeleni, kuze kutsi livi leNkhosi lichubeke landze ngekushesha, lemukeleke ngeludvumo, njengobe kwaba njalo nakini.

Sembulo 11:18

Tive tatfukutsela, kepha kwefika lulaka lwakho kanye nesikhatsi sekwehlulelwa kwalabafile. Kwefika nekuniketwa imivuzo etisebentini takho, nakubaphrofethi kanye nakulabangcwele, nakulabo labesaba libito lakho, kulabakhulu nakulabancane. Kwefika nekubhujiswa kwebabhubhisi bemhlaba.”

Sembulo 19:11

Ngase ngibona lizulu livulekile, bekunelihhashi lelimhlophe. Lona bekaligibele abebitwa ngekutsi nguLotsembekile naLiciniso; umsulwa ekwehluleleni kwakhe nasekulweni kwakhe.

Sembulo 20:15

Lowo libito lakhe lelalingakabhalwa encwadzini yekuphila, wajikwa echibini lelivutsa umlilo.

Sembulo 6:2

Kwatsi chamu lihhashi lelimhlophe, nalona labeligibele aphetse butjoki, wanikwa umchele, wahamba ancoba, ayawuncoba.