Tihlabelelo 45:3 - Siswati 1996 Bible

³ Hhawu, chawe lemachawe, bophela inkemba yakho elukhalweni lwakho, uhlome ngenkhatimulo yakho nangebukhosi bakho.

Tihlabelelo 45:3 Referencias Cruzadas

Jobe 1:16

Satsi sisakhuluma lesigijimi, kwefika lesinye, satsi: “Umlilo waNkulunkulu wehle esibhakabhakeni washisa tonkhe timvu takho kanye nato tonkhe tinceku takho; ngimi kuphela losindzile, ngase ngiyabaleka ngita lapha kuwe kutekwatisa ngaloko!”

Tihlabelelo 104:1

Mphefumulo wami, dvumisa Simakadze! Yebo, Simakadze, Nkulunkulu wami, wena umkhulu kakhulu! Wembetse ludvumo nebukhosi.

Tihlabelelo 145:12

kuze bonkhe bantfu emhlabeni bayati imisebenti yakho yemandla, kanye nenkhatimulo yebukhosi bembuso wakho.

Tihlabelelo 145:5

Tiyawukhuluma ngenkhatimulo yakho, tikhulume ngebukhosi bakho; mine ngiyawuzindla ngemisebenti yakho lemangalisako.

Tihlabelelo 21:5

Tidvumo tayo tinkhulu, ngenca yelusito lwakho, uyinike ludvumo nebukhosi.

Tihlabelelo 21:7

Inkhosi yetsembele kuSimakadze, ngenca yesihawu saLosetikwako Konkhe ingeke itanyatanyiswe.

Tihlabelelo 96:6

Ludvumo nebukhosi kusembikwakhe, emandla nenkhatimulo kusendlini yakhe lengcwele.

Ingoma Yetingoma 2:3

Njengesihlahla semahhabhula emkhatsini wetihlahla telihlatsi, unjalo lotsandzekako wami emkhatsini wemajaha. Ngiyakujabulela kuhlala emtfuntini wakhe, nesitselo sakhe siyanongotela, nangisinambitsa.

Ingoma Yetingoma 5:13

Tihlatsi takhe tinjengemibhedze yetitfombo tetinandzisi letitsaphukisa liphunga lato. Tindzebe temlomo wakhe tinjengeminduze lentfontsa emakha emure.

Isaya 49:2

Umlomo wami wawenta waba njengenkemba leloliwe, wangitfukusa emtfuntini wesandla sakhe; wangenta ngaba ngumcibisholo lololongiwe, wangivalela emgodleni wetikhali takhe.

Imisebenti yebaPhostoli 10:36

Niyalati livi lalitfumela kubantfu baka-Israyeli, ashumayela liVangeli lekuthula ngaJesu Khristu, loyiNkhosi yabo bonkhe bantfu.

KubaseRoma 14:9

Ngobe Khristu wafa waphindze waphila, khona atewuba yiNkhosi yalabaphilako nalabafile.

KumaHebheru 1:3

LeNdvodzana ibonakalisa bukhosi nebunjalo bonkhe baNkulunkulu. Isimise indalo yonkhe ngelivi layo lelinemandla. Yatsi kube yente intsetselelo yetono tebantfu, yahlala ezulwini ngesekudla saNkulunkulu Somandla.

KumaHebheru 4:12

Livi laNkulunkulu liphilile, linemandla; likhalipha kwengca inkemba lesika ngetinhlangotsi totimbili. Lisika lidzimate lehlukanise umphefumulo nemoya, emalunga nemnkantja, lehlulele imicabango netifiso tenhlitiyo.

KumaHebheru 8:1

Umnyombo waloku lesesikushito ngunankhu: Tsine-ke sinalonjalo umPhristi Lomkhulu, losewahlala ngesekudla saLomkhulu losesihlalweni sebukhosi ezulwini.

YaJuda 1:25

yebo, kuNkulunkulu lokunguye yedvwa, uMsindzisi wetfu ngaJesu Khristu iNkhosi yetfu, akube ludvumo, nebukhosi, nemandla, neligunya, ngaphambi kwetikhatsi, manje, naphakadze. Amen.

Sembulo 1:16

Esandleni sakhe sangesekudla abephetse tinkhanyeti letisikhombisa, emlonyeni wakhe kuphuma inkemba leyayikhalipha tinhlangotsi totimbili, buso bakhe bumengetela njengelilanga emini.

Sembulo 19:15

Emlonyeni wakhe kuphuma inkemba lekhaliphako latawushaya tive ngayo, uyawutibusa ngesandla lesimatima. Uyawunyatsela litje lesikhamo seliwayini. Leliwayini liyintfukutselo yelulaka lwaNkulunkulu Somandla.

Sembulo 19:21

Laba labanye babulawa ngenkemba lephuma emlonyeni walowo logibele lihhashi. Tonkhe tinyoni tesutsa inyama yetidvumbu tabo.

Tikhulu 3:16

Ehudi abetentele inkemba lekhalipha tinhlangotsi totimbili leyayingaba yincenye yelimitha budze, abeyibophele etimphahleni takhe, ngasetsangeni langesekudla.