Tihlabelelo 45:14 - Siswati 1996 Bible

¹⁴ Imikiswa enkhosini, yembetse bukhatikhati, ihamba netintfombi letitimphekeleteli, letishuca emvakwayo, nato tiya kuyo.

Tihlabelelo 45:14 Referencias Cruzadas

Eksodusi 27:16

Lomnyango wesibuya kufanele ube nesivalo lesentiwe ngendvwangu yelineni lecolisakele lehlotjiswe nangensontfo leluhlata njengesibhakabhaka, nalebukhwebeletane, nalebovu ngalokutopele; kube ngumsebenti wengcweti yetekuhlobisa, bubanti balendvwangu bube ngemamitha langaba yimfica. Kufanele ihhukwe etinsikeni letine letisinyiswe emasekweni lamane.

Eksodusi 28:39

“Ingubo ya-Aroni lengenamkhono uboyitfunga ngendvwangu yelineni lecolisakele, nalomshuculo wenhloko uwente ngendvwangu yelineni lecolisakele kanye nelibhande lekufanele lihlotjiswe.

Ingoma Yetingoma 2:7

Ngiyaniyala, madvodzakati aseJerusalema, ngetimphala nangetinyamatane letinsikati tesiganga, ngitsi: Ningaluvusi lutsandvo, futsi ningalunyakatisi, luze lutivukele lona.

Ingoma Yetingoma 6:1

Uyephi lolokutsandzako wakho, wena lomuhle kunabo bonkhe besifazane? Ujikele ngakuyiphi indlela lona lokutsandzako wakho, khona sitekufunisa yena?

Ingoma Yetingoma 6:13

Buya, buya, wena ntfombi yaseShulami; buya, buya, khona sitekubuka! Nitayibukelani intfombi yaseShulami, igidza emkhatsini wemabutfo lamabili?

Ingoma Yetingoma 6:8

Kungaba nemakhosikati langema-60, nemaphovela langema-80, netintfombi letingenakubalwa,

Ingoma Yetingoma 8:13

Wena lohlala etingadzeni uhlale nebangani labakusingatsile, ngivise liphimbo lakho!

Johane 17:24

“Babe, ngifisa kutsi labo longiphe bona nabo babe khona lapho nami ngikhona, kuze batewubona inkhatimulo yami lowangipha yona, ngobe wangitsandza, umhlaba ungakasekelwa.

2 kubaseKorinthe 11:2

Nginesikhwele ngani, sikhwele saNkulunkulu; ngobe nganendzisa njengentfombi lengenasici, nganetfula kuKhristu, lekunguyona ndvodza yenu leyodvwana.

Tikhulu 5:30

‘Kambe ngabe babutsa behlukaniselane imphango, kutsi intfombi yinye nome timbili tibe tendvodza yinye, kutsi tembatfo letimibalabala tibe taSisera, yebo, tembatfo letimibalabala naletihlotjisiwe tibe yimphango, tembatfo letihlotjiswe ngala nangale tentsamo yami, konkhe loku kube yimphango?’