Tihlabelelo 40:17 - Siswati 1996 Bible

¹⁷ Nome ngihlupheka ngimphofu, kepha iNkhosi iyanginakekela. Wena ungumsiti wami nemkhululi wami; Nkulunkulu wami, ungalibali.

Tihlabelelo 40:17 Referencias Cruzadas

Tihlabelelo 109:22

Ngobe mine ngisihlupheki nalomphofu, inhlitiyo yami idzabukile.

Tihlabelelo 34:4

Ngakhuleka kuSimakadze, wangiphendvula, wangikhulula kuko konkhe kwesaba kwami.

Tihlabelelo 34:6

Ngangingumuntfu losihlupheki, ngakhala kuSimakadze, wangiva, wangisindzisa kuko konkhe kuhlupheka kwami.

Tihlabelelo 35:27

Labo labatsakasele kutsi ngimsulwa abamemete ngekujabula batfokote, njalonjalo, batsi: “Akadvunyiswe Simakadze, lojabulela inhlalakahle yenceku yakhe!”

Tihlabelelo 40:5

Yebo, Simakadze, Nkulunkulu wami, timangaliso losentele tona tinyenti, tingeke tibalwe, wasikhumbula tikhatsi letinyenti. Kute nome munye nje lofana nawe! Kube bengingatilandzisa tonkhe betingeke tibaleke tonkhe.

Tihlabelelo 54:4

Ngempela, Nkulunkulu ungumsiti wami, Simakadze ungumvikeli wemphilo yami.

Tihlabelelo 69:33

Simakadze uyabeva labamphofu, lababoshiwe bakhe akabadzeli.

Tihlabelelo 70:5

Kodvwa mine ngihluphekile futsi ngeswele, ngiphutfume, Nkulunkulu. Nguwe lolusito lwami nemkhululi wami. Awu, Simakadze, shesha, ungalibali.

Tihlabelelo 86:1

Awu, Simakadze! Beka indlebe yakho, ungiphendvule, ngobe ngiselusizini nginguloweswele.

Isaya 25:9

Ngalelo langa bayakutsi: “Ngempela, lona nguNkulunkulu wetfu, besetsembela kuye, naye wasisindzisa. Lona nguSimakadze lebesetsembele kuye; asijabule sitfokote ngensindziso yakhe.”

Isaya 41:17

“Labamphofu nalabeswele batfungatsa emanti, kodvwa kute; tilwimi tabo tomile ngenca yekweswela emanti. Kodvwa mine Simakadze ngitabevela, mine, Nkulunkulu waka-Israyeli, ngingeke ngibashiye.

Matewu 8:20

Jesu wamphendvula watsi: “Timphungutja tinemigodzi, netinyoni tinetidleke, kodvwa iNdvodzana yeMuntfu ite indzawo yekulala iphumule.”

2 kubaseKorinthe 8:9

Ngobe niyawati umusa weNkhosi yetfu Jesu Khristu, kutsi nome abecebile, kodvwa ngenca yenu waba luphuya, kuze kutsi ngebuphuya bakhe anente nicebe.

KumaHebheru 13:6

Ngaloko singasho ngesibindzi sitsi: “INkhosi ingumsiti wami; ngingeke ngesabe. Umuntfu angangentani nje?”

YaJakobe 2:5

Ase nilalele, bazalwane bami labatsandzekako! Nkulunkulu akabakhetsanga yini labaphuyile lapha emhlabeni kutsi babe ngulabacebile ekukholweni, netindlalifa embusweni lawetsembisa labo labamtsandzako?

1 yaPhetro 2:23

Kwatsi etfukwa, wangete waphindzisela ngenhlamba; kwatsi ahlushwa, wangete wasongela. Kodvwa watinikela kuNkulunkulu lowehlulela ngekulunga.

1 yaPhetro 5:7

Lahlelani kuye konkhe kukhatsateka kwenu, ngobe yena uyanikhatsalela.

Sembulo 22:20

Lowo lowetfula lobufakazi utsi: “Yebo, ngiyeta masinyane!” “Amen! Kota, Nkhosi Jesu!”