Tihlabelelo 40:12 - Siswati 1996 Bible

¹² Ngitungeletwe tinhlupheko letinyenti, licala lekona lingigabhe kangangekutsi angisaboni nekubona. Letinhlupheko tinyenti tendlula tinwele tenhloko yami, sengilahlekelwe litsemba.

Tihlabelelo 40:12 Referencias Cruzadas

Genesisi 42:28

Wakhuluma kubomnakabo watsi: “Imali yami ibuyiselwe nayi emlonyeni welisaka lami.” Tinhlitiyo tabo takhatsateka kakhulu ngaloko, badzimate bakhulumisana batsi: “Yini lena lasentele yona Nkulunkulu?”

Tihlabelelo 116:3

Tingibe tekufa tangitungeleta, iminjunju yekufa yangihlasela, ngabandzetelwa tinhlupheko nelusizi.

Tihlabelelo 19:12

Ngubani nje longabona tiphosiso takhe? Simakadze, ngikhulule etonweni letifihlekile.

Tihlabelelo 38:4

Tono tami tingigabhile, ngisesiswa ngumtfwalo wato losindzako.

Tihlabelelo 61:8

Ngako libito lakho ngiyawulidvumisa kuze kube phakadze, kuze ngigcwalise tetsembiso tami imihla ngemihla.

Tihlabelelo 69:4

Banyenti kunetinwele tenhloko yami badlanga ngemandla labafuna kungibulala, labo labangitondza ngelite. Ngiphocelelwani kutsi ngikhishiswe intfo lengingakayebi?

Tihlabelelo 73:26

Nome umtimba nemphefumulo wami kwehluleka, kodvwa Nkulunkulu ulidvwala lenhlitiyo yami, nesabelo selifa lami ingunaphakadze.

Isaya 53:6

Tsine sonkhe sedukile njengetimvu, ngulowo nalowo utihambele ngendlela yakhe, Simakadze wayetfwesa kona kwetfu sonkhe.

Lukha 21:26

bantfu bayawucaleka babe nesiyeti ngenca yekwesaba loko labayawube babheke kutsi kwenteke emhlabeni wonkhe; ngobe emandla emkhatsi ayawutanyatanyiswa.

KumaHebheru 4:15

LomPhristi wetfu Lomkhulu akasiye lowehluleka kuvelana natsi ebutsakatsakeni betfu, kodvwa walingwa ngayo yonkhe indlela njengatsi, noko akazange one.

1 yaPhetro 3:18

Khristu wafela tono tetfu, kwaba kanye, kwenela. Yena lolungile wafela labangakalungi, kuze animikise kuNkulunkulu. Wabulawa ngekwemtimba, kepha wavuswa ngaMoya waNkulunkulu.