Tihlabelelo 4:6 - Siswati 1996 Bible

⁶ Labanyenti batsi: “Ngubani longasentela tintfo letinhle?” Simakadze, sikhanyisele ngebukhona bakho.

Tihlabelelo 4:6 Referencias Cruzadas

Tihlabelelo 119:135

Ngikhanyise ngebuso bakho mine, nceku yakho; ungifundzise timiso takho.

Tihlabelelo 21:6

Wayenta yabusiseka kakhulu kuze kube phakadze, uyitfokotisa ngenjabulo ebusweni bakho.

Tihlabelelo 39:6

Impela, kuphila kwemuntfu kunjengesitfunti. Utihlupha ngelite nje. Ucongelela ingcebo, akabati labatawuyidla.

Tihlabelelo 42:5

Mphefumulo wami, udzabukeleni? Uvungamelani ngekhatsi kimi? Mani kuNkulunkulu, ngobe ngisetawumdvumisa uMsindzisi wami naNkulunkulu wami.

Tihlabelelo 44:3

Ngobe live abalichwaganga ngenkemba yabo ngisho nekuncoba abancobanga ngetikhwepha tabo; kodvwa bancoba ngesandla sakho sekudla, nangengalo yakho, nangekukhanya kwebuso bakho, ngobe wena wawubatsandza.

Tihlabelelo 67:1

Shangatsi Nkulunkulu angaba nemusa kitsi, asibusise, akhanyise buso bakhe etikwetfu. Cabanga.

Tihlabelelo 80:19

Sibuyisele kuwe, Nkulunkulu wemabandla! Khanyisa buso bakho bumengetele, kuze sisindziswe.

Tihlabelelo 80:7

Sibuyisele kuwe, Nkulunkulu wemabandla! Khanyisa buso bakho bumengetele, kuze sisindziswe.

Tihlabelelo 89:15

Yebo, Simakadze! Sibusisiwe sive lesati kahle kutsi kuyini kumpompoloza ngenjabulo, sihambe ekukhanyeni kwebuso bakho.

Isaya 55:2

Niyicitselani imali kuloko lokungesiso sinkhwa? Niyisebentelani intfo lengenelisi? Lalelani, lalelani kimi, nidle loko lokulungile, nemphefumulo wenu uyawujabula ngekudla lokumnandzi kakhulu.

Malakhi 3:3

Uyawuhlala njengemcengi nanjengemhlanti wesiliva; uyawuhlanta emaLevi awacenge njengegolide nesiliva. Simakadze uyawuba nemadvodza layawuletsa iminikelo ngekulunga,

Numeri 6:26

Shangatsi Simakadze angaphakamisela buso bakhe ngakuwe, akuphe nekuthula.’

Lukha 12:19

bese ngikhuluma ngedvwana ngitsi: Cha, senginetimphahla lengitibekele tona teminyaka leminyenti; angikhululeke, ngidle, nginatse, ngijabule!’

Lukha 16:19

“Bekukhona indvodza leyayicebile igcoka timphahla letatidule kakhulu. Yayinekudla lokunyenti idla kahle onkhe emalanga.

Dutheronomi 33:19

Bayakubitela tive entsabeni yabo banikele khona lapho imihlatjelo yekulunga; batitapele enaleni yetilwandle nasemnotfweni lofihlwe esihlabatsini.”

YaJakobe 4:13

Labanye benu banemkhuba wekutsi: “Lamuhla nakusasa sitakuya kulela dolobha, sihlale umnyaka, sitsenge sitsengise, bese sitfola inzuzo.”