22 Phutfuma ungisite, Nkhosi, nsindziso yami!
Ngikhala kuwe, Simakadze; vani livi lami, nangikhala kuwe.
Titsa letinyenti tingitungeletile, tinkunzi letinemandla taseBhashani tingivimbetele.
Simakadze usibane sami nensindziso yami. Ngiyakwesaba bani? Simakadze uyinqaba yami yekufihla kuphila kwami. Pho, ngubani lengingamesaba?
Akube kuhle kuwe, Simakadze! Ase ungikhulule, Simakadze! Phutfuma ungisite.
Nome ngihlupheka ngimphofu, kepha iNkhosi iyanginakekela. Wena ungumsiti wami nemkhululi wami; Nkulunkulu wami, ungalibali.
Nguye yedvwa lolidvwala lami, nensindziso yami, nenqaba yami, ngingeke ngishukunyiswe.
Nguye yedvwa lolidvwala lami, nensindziso yami, nenqaba yami, ngingeke ngitanyatanyiswe.
Hhawu, Nkulunkulu! Phutfuma ungikhulule! Hhawu, Simakadze! Phutfuma ungisite!
Kodvwa mine ngihluphekile futsi ngeswele, ngiphutfume, Nkulunkulu. Nguwe lolusito lwami nemkhululi wami. Awu, Simakadze, shesha, ungalibali.
Hhawu, Nkulunkulu! Ungakhweshi kimi! Hhawu, Nkulunkulu wami! Phutfuma ungihlenge!
Impela, Nkulunkulu uyinsindziso yami; ngiyakumetsemba ngingesabi, Simakadze, Simakadze ungemandla ami nengoma yami; nguye loyinsindziso yami.”
