Tihlabelelo 38:20 - Siswati 1996 Bible

²⁰ Labo labangiphindzisela lokubi ngalokuhle, batitsa tami, ngobe ngilandzela lokulungile.

Tihlabelelo 38:20 Referencias Cruzadas

Tihlabelelo 142:7

Ngikhulule kulelijele lengikulo, kuze ngitewubonga libito lakho. Labalungile bayawungihaca, ngobe wena uyawungiphatsa kahle.

Tihlabelelo 25:19

Buka titsa tami, kutsi setinyenti kanganani, tingitondza ngelunya.

Tihlabelelo 35:12

Bangiphindzisela lokuhle ngalokubi, umphefumulo wami bawudzabukisile.

Tihlabelelo 35:19

Ungativumeli titsa tami, letingicambela emanga, kutsi titijabulise ngami. Ungabavumeli labangitondzela lite kutsi baficelane emehlo ngami, bangente inhlekisa.

Tihlabelelo 7:4

nangiphindzisele ngalokubi kumnganami, nome ngaphanga sitsa sami ngaphandle kwesono,

Jeremiya 18:20

Kufanele yini kutsi lokuhle kukhokhelwe ngalokubi? Noko bangimbele umgodzi. Khumbula kutsi ngema embikwakho ngabancengela kuwe kutsi ngincandze lulaka lwakho kubo.

Matewu 5:10

Babusisiwe labatingelwa bahlushwe ngenca yekulunga, ngobe umbuso welizulu wabo.

Johane 10:32

Jesu wawaphendvula watsi: “Minyenti imisebenti lengiyente embikwenu lengiyinikwe nguBabe. Ngumuphi-ke lona lenifuna kungigcobela wona ngalamatje?”

1 yaPhetro 3:13

Pho, ngubani longahle anilimate nangabe ninenshisekelo yekwenta lokulungile?

1 yaJohane 3:12

Singabi njengaKhayini labe waLomubi, wabulala umnakabo. Wambulalelani-ke? Wambulala, ngobe imisebenti yakhe yayimibi, kantsi lena ya-Abela, umnakabo, yayilungile.

1 Samuweli 23:12

Davide wabuta watsi: “Bantfu baseKheyila batanginikela yini mine nalamadvodza akami esandleni saSawula?” Simakadze wamphendvula watsi: “Bataninikela.”

1 Samuweli 23:5

Ngako Davide nemphi yakhe behlela eKheyila, bahlasela emaFilisti bawabulala, batfumba netifuyo tawo. Davide wabasindzisa kanjalo bantfu baseKheyila.

1 Samuweli 25:16

Ebusuku nasemini aba lutsango lwetfu lolwalusitungeletile, ngaso sonkhe sikhatsi siseluse timvu tetfu edvute nawo.

1 Samuweli 25:21

Davide abesacedza kutsi: “Akukasiti ngalutfo kugadzela lomuntfu timvu takhe lena ehlane kangangekutsi kwabate ngisho nakunye lokwalahleka. Ungibuyisele lokubi ngalokuhle.