Tihlabelelo 37:25 - Siswati 1996 Bible

²⁵ Bengingumntfwana, manje sengimdzala, angizange sengimbone lolungile alahliwe, ngisho nebantfwabakhe abahambi bacela kudla.

Tihlabelelo 37:25 Referencias Cruzadas

Genesisi 17:7

“Ngiyawumisa sivumelwane sami nawe nentalo yakho, emvakwakho, etitukulwaneni ngetitukulwane, kube sivumelwane saphakadze. Ngiyawuba nguNkulunkulu wakho naNkulunkulu wetitukulwane takho emvakwakho.

Jobe 15:23

Uhamba azulazule afunana nekudla. Uyati kutsi lilanga lebumnyama selisondzele.

Jobe 4:7

“Ase ucabange naku: Wase wambona yini longenacala abhubha? Ngukuphi lapho labalungile bake babulawa khona?

Tihlabelelo 109:10

Shangatsi bantfwabakhe bangaba tindzindzi letiphila ngekucela; shangatsi bangakhishwa nakuto letindzala labahlala kuto kwamanje.

Tihlabelelo 112:2

Intalo yakhe iyawuba nemandla emhlabeni; situkulwane salabacotfo siyakubusiswa.

Tihlabelelo 25:13

Yena lucobo uyawuhlala achume, intalo yakhe iyawudla lifa lemhlaba.

Tihlabelelo 37:28

Ngobe Simakadze uyakutsandza kwenta tintfo ngendlela lefanele, angeke abayekelele labangcwele bakhe. Labalungile bayawulondvoloteka phakadze naphakadze; kodvwa bantfwana balomubi bayawushabalaliswa.

Tihlabelelo 59:15

Behla benyuka bafunana nekudla, bahhonge nabangakesutsi.

Tihlabelelo 71:18

Nanyalo-ke nome sengigugile sengimphunga, ungangishiyi, Nkulunkulu, kuze ngishumayele ingalo yakho kuso situkulwane, nemandla akho kubo bonkhe labefikako.

Tihlabelelo 71:9

Ungangilahli esikhatsini sebudzala bami, ungangikhohlwa nase ngiphelelwa ngemandla.

Tihlabelelo 94:14

Ngobe Simakadze angeke asilahle sive sakhe, angeke alishiye lifa lakhe.

Taga 13:22

Lifa lemuntfu lolungile lidliwa titukulwane takhe; kodvwa ingcebo lempongiswa soni igcina ilifa lalabalungile.

Isaya 13:16

Tinswane tabo tiyawuphahlatwa tibe ticucu embikwabo babuka, tindlu tabo tiyawuphangwa, nebafati babo badlwengulwe.

Imisebenti yebaPhostoli 21:16

Labanye bafundzi baseKhesariya bahamba natsi basiyisa emtini wendvodza lebesitawuhlala kayo, Mnasoni wekuchamuka eSiphrosi, lobekasalikholwa sikhatsi lesidze.

2 kubaseKorinthe 4:9

Siyatingelwa, kodvwa Nkulunkulu akasilahli, siyamukulwa siwiswe phansi, kodvwa asibhujiswa.

KumaHebheru 13:5

Balekelani kutsandza imali, neneliswe nguloko leninako, ngobe Nkulunkulu watsi: “Ngingeke ngikuyekele, ngingeke ngikushiye.”

Joshuwa 1:5

Kute namunye loyawukhona kumelana nawe, tonkhe tinsuku tekuphila kwakho. Ngiyakuba nawe, njengobe nganginaye naMosi. Ngingeke ngikushiye, futsi ngingeke ngikulahle.

1 Samuweli 12:22

Ngenca yelibito lakhe lelikhulu Simakadze angeke asilahle sive sakhe, ngobe kwaba kuhle kuye Simakadze kutsi anente nibe bakhe.