Tihlabelelo 37:22 - Siswati 1996 Bible

²² Lababusiswe nguSimakadze bayawulidla lifa lemhlaba; kodvwa labacalekiswe nguye bayawushabalaliswa.

Tihlabelelo 37:22 Referencias Cruzadas

Jobe 5:3

Mine ngitibonele ngekwami, silima lesibukeka shangatsi sivikelekile, kodvwa sicalekiso sehlela etikwemuti waso masinyane nje.

Tihlabelelo 115:15

Shangatsi ningabusiswa nguSimakadze, yena lowenta lizulu nemhlaba.

Tihlabelelo 119:21

Uyabatsetsisa labatidlako; bacalekisiwe labedukile emiyalweni yakho.

Tihlabelelo 128:1

Babusiswe labo labesaba Nkulunkulu, labo labahamba ngetindlela takhe.

Tihlabelelo 25:13

Yena lucobo uyawuhlala achume, intalo yakhe iyawudla lifa lemhlaba.

Tihlabelelo 32:1

Ubusisiwe umuntfu lotsetselelwe tiphambuko takhe, nalotono takhe tisitjekelwe.

Tihlabelelo 37:11

Kodvwa labamnene bayawulidla lifa lemhlaba, bahlale kahle, batijabulise ngekuthula lokukhulu.

Tihlabelelo 37:18

Simakadze uyawati emalanga alabacotfo, nelifa labo liyawuhlala lilabo phakadze naphakadze.

Tihlabelelo 37:28

Ngobe Simakadze uyakutsandza kwenta tintfo ngendlela lefanele, angeke abayekelele labangcwele bakhe. Labalungile bayawulondvoloteka phakadze naphakadze; kodvwa bantfwana balomubi bayawushabalaliswa.

Tihlabelelo 37:9

Benti balokubi batawushabalaliswa; kodvwa labalindzela Simakadze bayakudla lifa lemhlaba.

Taga 3:33

Sicalekiso saSimakadze sisemndenini walomubi, kodvwa indlu yalolungile uyayibusisa.

Isaya 57:13

Nawukhala ucela kusitwa, leticumbi takho tetithico atikusindzise! Umoya uyawutiphephula tonkhe, umoyana lomncane nje uyawutikhukhula. Kodvwa lowo lowenta mine ngibe siphephelo sakhe, uyawudla lifa lelive, adle lifa lentsaba yami lengcwele.”

Matewu 25:41

“Iyawutsi kulaba labangesancele: ‘Khweshani kimi, nine labacalekisiwe, niye emlilweni waphakadze lolungiselwe Sathane netingilosi takhe!

1 kubaseKorinthe 16:22

Nangabe umuntfu angayitsandzi iNkhosi, akabe ngulocalekisiwe Wota Nkhosi!

KubaseGalathiya 3:10

Bonkhe labetsembele ekwenteni lokufunwa ngumtsetfo bangephansi kwesicalekiso, ngobe kubhaliwe kutsi: “Bacalekisiwe bonkhe labangagcini konkhe lokubhaliwe emculwini wemtsetfo, kutsi bakwente.”

KubaseGalathiya 3:13

Khristu wasihlenga esicalekisweni lesasiletfwe ngumtsetfo, ngekutsi abe sicalekiso endzaweni yetfu; ngobe kubhaliwe kutsi: “Ucalekisiwe wonkhe umuntfu lolenga emtsini.”

Dutheronomi 5:33

Hambani endleleni Simakadze Nkulunkulu wenu laniyale kutsi nihambe ngayo, khona nitewuphila nichume, netinsuku tenu tandze eveni lelitawuba lenu.”