Tihlabelelo 37:12 - Siswati 1996 Bible

¹² Lomubi usongela lolungile, amsinekele ematinyo.

Tihlabelelo 37:12 Referencias Cruzadas

Genesisi 39:16

Lengubo wayigcina lomfati, kwaze kwefika indvodza yakhe.

Esta 3:5

Hamani watfukutsela wagaya tiboti, nakabona kutsi Modekhayi akamhloniphi, futsi akamkhotsameli.

Esta 3:6

Watsi kube eve kutsi Modekhayi uliJuda, wase ufuna lisu kutsi angasabulali Modekhayi yedvwa, kodvwa asale abulala onkhe emaJuda kulo lonkhe lasePheresiya.

Esta 5:13

Kodvwa nome kunjalo, konkhe loko kuye kwakungasho lutfo inkhani nakasabona leliJuda lelinguModekhayi lisahlala lapha emphundvwini yasendlunkhulu.

Tihlabelelo 31:13

Yebo, ngiva labanyenti bayangihleba, ngihlala ngetfuka tanya. Bangakhela emacebo, bahlose kungibulala.

Tihlabelelo 34:22

Simakadze uyakuhlenga kuphila kwetinceku takhe, labakhosela kuye bangeke badliwe licala.

Tihlabelelo 35:16

Labantfu bashuca nalabahlambalata Nkulunkulu, bahlose bubi ngami.

Tihlabelelo 37:32

Lomubi utingela lolungile, ucondze kutsi ambulale.

Danyela 8:12

Ngenca yebuphekula, libandla lalabangcwele nemihlatjelo yemalanga onkhe kwaniketelwa kulo. Lwachubeka lwaba nemphumelelo kuko konkhe lolwalukwenta, liciniso lase lidzicelwa phansi emhlabatsini.

Danyela 8:24

Iyawuba nemandla kakhulu, kodvwa hhayi ngekwemandla ayo. Iyawukwenta umonakalo lowesabekako, iphumelele kuko konkhe leyikwentako. Iyawubhubhisa emadvodza lanemandla lamakhulu nesive lesingcwele.

Mikha 2:1

Maye kulabo labacabanga imicabango lemibi, labo labatsi balele babe bangakalali bacabanga emasu ekwenta bubi! Kutsi kungasa bakwente loko bebakuhlosile, ngobe banemandla ekukwenta loko.

Matewu 26:16

Kusukela ngalelo langa Judasi wacala kufuna litfuba lekunikela Jesu kubo.

Matewu 26:4

bakha lisu lekubamba Jesu ngebucili, bambulale.

1 Samuweli 18:21

Wacabanga watsi: “Ngitamendzisela yena, kuze abe lugibe lwami kuye Davide, kuze sandla semaFilisti simelane naye.” Ngako Sawula waphindza watsi kuDavide: “Manje sengikunika litfuba lesibili kutsi ube ngumkhwenyane wami.”