Tihlabelelo 36:6 - Siswati 1996 Bible

⁶ Kulunga kwakho kunjengetintsaba letinkhulu, tincumo takho tijule njengelwandle. Simakadze, ulondvolota bantfu netilwane.

Tihlabelelo 36:6 Referencias Cruzadas

Genesisi 18:25

Akube khashane nawe kwenta intfo lenje! Ungababhubhisi labalungile kanye nalababi, bese labalungile baba njengalabangakalungi! Akube khashane nawe loko. Angeke yini umehluleli wemhlaba wonkhe ente kulunga?”

Nehemiya 9:6

Bakhuleka batsi: “Wena Simakadze, nguwe wedvwa longuSimakadze. Wena wadala emazulu, ngisho nemazulu laphakeme kakhulu, kanye nato tigidzigidzi tetinkhanyeti, nemhlaba kanye nako konkhe lokukuwo, tilwandle kanye nako konkhe lokukuto. Wena ukugcina konkhe lokuphilako, netigidzigidzi tasezulwini tikhonta wena.

Jobe 37:23

Somandla ungetulu kwemandla etfu, uphakeme ngemandla nangekulunga kwakhe; ngebukhulu bekulunga kwakhe akacindzeteli muntfu.

Jobe 7:20

Nangabe ngonile, ngenteni kuwe, wena Mlondvoloti webantfu? Wenteleni kutsi ngibe yinkoyoyo yakho? Wenteleni kutsi ngibe ngumtfwalo kuwe?

Tihlabelelo 145:9

Simakadze muhle kubo bonkhe, uyayihawukela imisebenti yakhe yonkhe.

Tihlabelelo 147:9

Tilwane utipha kudla, afunte emazini emahhwabayi nasalambile.

Tihlabelelo 31:20

Ubafihla ekusitsekeni kwebukhona bakho, baphephe kulabo lababakhela lugibe; ubabhacisa endlini yakho, baphephe etinkhulumeni tembango.

Tihlabelelo 71:19

Yebo, Nkulunkulu! Kulunga kwakho kukhulu kufikela etulu. Nguwe lowente tintfo letinkhulu. Empeleni, Nkulunkulu, ngubani lofana nawe?

Tihlabelelo 77:19

Indlela yakho yadzabula lwandle, umvila wakho uselwandle lolujulile, noko tinyatselo takho tatingabonakali.

Tihlabelelo 92:5

Maye, mikhulu imisebenti yakho, Simakadze! Imicabango yakho ijule kakhulu.

Tihlabelelo 97:2

Emafu lamnyama amtungeletile, kulunga nebucotfo sisekelo lamise kuso sihlalo sakhe sebukhosi.

Eksodusi 9:28

Thandazani kuSimakadze. Manje sesidziniwe ngulokudvuma nalesangcotfo. Ngitanikhulula nihambe, akusafuneki nihlale lapha.”

Isaya 40:28

Awati yini? Awukeva yini? Simakadze unguNkulunkulu waphakadze, uMdali wemikhawulo yemhlaba. Angeke adzinwe, futsi ngeke akhatsale, nekucondza kwakhe kute longakuphenyisisa.

Isaya 45:19

Angikakhulumi ekusitsekeni, kulenye indzawo lelive lebumnyama. Angikasho etitukulwaneni taJakobe, ngatsi: ‘Ngifuneleni lite.’ Mine, Simakadze, ngikhuluma liciniso, ngikhuluma loko lokulungile.”

Jeremiya 12:1

Yebo Simakadze, wena uhlala ungcwele, nangiletsa indzaba embikwakho. Noko ngifuna kukhuluma nawe macondzana nekwehlulela kwakho. Kwentiwa yini kutsi indlela yalomubi iphumelele? Kwentiwa yini kutsi labangaketsembeki bahlale kahle bakhululekile?

Sililo 3:23

Sisha onkhe emalanga ekuseni, kwetsembeka kwakho kukhulu.

Jona 4:11

Pho, mine bengingeke ngiyihawukele yini iNineve, lelidolobha lelikhulu kangaka, lapho kukhona bantfu labangakwati kwehlukanisa sandla sabo sekudla nesancele, labati-120 000, kanye netinkhomo letinyenti kangaka?”

KubaseRoma 11:33

Maye, kujula kwemcebo, nekwenhlakanipho, nekwelwati lwaNkulunkulu! Ngubani nje longaphenya kwehlulela kwakhe ahlolisise imfihlakalo yetindlela takhe?

KubaseRoma 3:25

Nkulunkulu wamnikelela kutsi abe yinhlawulo ngengati yakhe; lenhlawulo-ke yemukeleka ngekukholwa. Ngalendlela Nkulunkulu sewubonakalise kulunga kwakhe ngekutsi ngaJesu ahlawule tono letatentiwa kadzeni Nkulunkulu angakatehluleli,

Dutheronomi 32:4

“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.

Dutheronomi 7:9

Yatini-ke kutsi Simakadze Nkulunkulu wenu unguNkulunkulu; unguNkulunkulu lowetsembekile losigcinako sivumelwane sakhe selutsandvo kuto titukulwane letitinkhulungwane kulabo labamtsandzako bagcine imiyalo yakhe,

1 kuThimothi 4:10

Kuze kube manje siyasebenta sishikaneke, ngobe sibeke litsemba letfu kuNkulunkulu lophilako, longuMsindzisi wabo bonkhe bantfu, ikakhulu walabo labakholwako.

1 Samuweli 14:15

Kutfutfumela kwahlasela onkhe emabutfo labesenkambu nalawo labesesigangeni, nalawo labesetichemeni kanye nalawo labehlasela, umhlaba watamatama. Lokutfutfumela kwaba shangatsi kutfunyelwe nguNkulunkulu.