Tihlabelelo 36:4 - Siswati 1996 Bible

⁴ Utsi alele abe akha emachinga ekuganga, sewuhamba ngendlela lembi, akakwenyanyi lokubi aphambane nako.

Tihlabelelo 36:4 Referencias Cruzadas

Esta 5:14

Ngako umkakhe Zereshi, nabo bonkhe bangani bakhe bakhipha siphakamiso batsi: “Yini ungagawuli sigodvo lesingemamitha langema-22 budze, uvuke ekuseni ucele enkhosini kutsi Modekhayi alengiswe khona; utawutsi nawuya edzilini nenkhosi ube ujabulile.” Leso siphakamiso samjabulisa Hamani, ngako sigodvo sekulengisa Modekhayi salungiswa masinyane.

Esta 6:4

Inkhosi yabuta yatsi: “Kukhona yini lomunye wetindvuna tami lolapha esigodlweni?” Ngaleso sikhatsi Hamani abengena esibuyeni sendlunkhulu ete enkhosini kutewucela kutsi Modekhayi alengiswe entsanjeni leyase ilungiselwe yena.

Jobe 15:16

mncane kangakanani-ke, umuntfu lomubi nalowonakele, nalonatsa bubi njengemanti?

Tihlabelelo 38:12

Bantfu labacondze kungibulala bangetsiye ngetingibe, labacondze kungilimata bakhuluma ngekungicitsa bangibulale, sonkhe sikhatsi bakha emacebo ebubi ngami.

Tihlabelelo 52:3

Utsandza kakhulu bubi kunebuhle utsandze emanga kunekukhuluma liciniso. Cabanga.

Tihlabelelo 97:10

Nine lenitsandza Simakadze, tondzani konkhe lokubi, ngobe uyabelusa labametsembako, abephule etandleni talababi.

Taga 24:2

Etingcondvweni tabo bacabanga budlova, imilomo yabo ikhuluma ngekulimatana.

Taga 24:23

Nati-ke futsi letinye taga talabahlakaniphile: Kubi nangabe umehluleli ehlulela ngekukhetsa.

Taga 4:16

Bantfu lababi abalali bangakenti lokubi, bayacwasha bangalali nabangakoni muntfu.

Isaya 65:2

Lonkhe lilanga ngelule tandla tami kubantfu labanenhloko lelukhuni, labahamba etindleleni letimbi, bacoshana nemicabango yabo,

Jeremiya 4:22

“Bantfu bami batilima, abangati. Babantfwana labangenangcondvo, abanako nekucondza. Babochwephesha ekwenteni lokubi, abakwati kwenta lokuhle.”

Jeremiya 6:16

Naku lokushiwo nguSimakadze, utsi: “Manini emahlanganweni etindlela, nibuke, butani tindlela takadzeni, butani kutsi nguyiphi indlela lelungile, bese nihamba ngayo, niyawutfola kuphumula kwemiphefumulo yenu. Kodvwa nine natsi: ‘Singeke sihambe ngayo.’

Jeremiya 8:6

Ngibalalele kahle hle, kodvwa abakhulumi lokulungile. Kute namunye lophendvukako ebubini bakhe, atibute, atsi: “Ngenteni kantsi?” Ngulowo nalowo utihambela ngendlela yakhe njengelihhashi nalihlasela ekulweni.

Amose 5:15

Tondzani lokubi nitsandze lokulungile, etinkhundleni yehlulelani ngekungakhetsi. Mhlawumbe Simakadze Nkulunkulu longuSomandla angaba nesihawu kuyo insali yakaJosefa.

Mikha 2:1

Maye kulabo labacabanga imicabango lemibi, labo labatsi balele babe bangakalali bacabanga emasu ekwenta bubi! Kutsi kungasa bakwente loko bebakuhlosile, ngobe banemandla ekukwenta loko.

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

Matewu 27:1

Ekuseni lokwa ngeluvivi baphristi labakhulu netibondza tesive benta lisu lekubulala Jesu.

Imisebenti yebaPhostoli 23:12

Ngakusasa ekuseni lamanye emaJuda ahlangana enta lisu, ase atibopha ngesifungo kutsi ngeke akudle kudla, nekunatsa angeke anatse angakambulali Pawula.

KubaseRoma 1:32

Bayawati umtsetfo waNkulunkulu lotsi bantfu labenta tintfo letinje bafanele kufa, kepha bona abagcini ngekutenta kuphela kodvwa besuka bavumelana nalabo labatentako.

KubaseRoma 12:9

Lutsandvo kufanele lubete kutentisa. Tondzani lokubi, nibambisise lokuhle.

Sembulo 2:2

Ngiyayati imisebenti yakho, nekuphishaneka kwakho, nekubeketela kwakho, nekutsi ungeke ubamele bantfu lababi, kangangekutsi nalabo labatibita ngekutsi baphostoli, kantsi abasibo, ubahlolile, wavele wabakhandza bacala emanga.

1 Samuweli 19:11

Sawula watfumela emadvodza endlini yaDavide kutsi ayekumgadza, bese ayambulala ekuseni. Kodvwa Mikhali, umkaDavide, wecwayisa Davide watsi: “Nawungabaleki uyewubhaca lamuhla ebusuku, utawubulawa ekuseni kusasa.”