Tihlabelelo 36:3 - Siswati 1996 Bible

³ Inkhulumo yakhe ikuganga nemacebo; ubuyekele bucotfo bakhe nekwenta lokulungile.

Tihlabelelo 36:3 Referencias Cruzadas

2 Samuweli 22:22

ngobe imiyalo yaSimakadze ngiyigcinile. Angikenti lutfo lolubi, angikamfulatseli Nkulunkulu wami.

2 Tikhronike 20:32

Jehoshafati wahamba etinyatselweni teyise Asa, akazange aphambuke kuto, wenta lokuhle emehlweni aSimakadze.

Tihlabelelo 10:7

Emlonyeni wakhe kugcwele ticalekiso, nemacebo, nencindzetelo; ngaphansi kwelulwimi lwakhe kucambalale kuganga nebubi.

Tihlabelelo 125:5

Kodvwa labaphambukela etindleleni tabo letimagiligombo Simakadze uyawubacosha kanye nalabenta lokubi. Kuthula akube ku-Israyeli!

Tihlabelelo 140:3

Balola tilimi tabo tibe njengetetinyoka. Sihlungu sato sisemilonyeni yabo. Cabanga.

Tihlabelelo 5:9

Kute liciniso emlonyeni wato, etinhlitiyweni tato kunekubulala, umphimbo wato ulithuna lelivulekile, lulwimi lwato lunebucili.

Tihlabelelo 55:21

Inkhulumo yakhe ishelelisa kwelibhotela, noko inhlitiyo yakhe ifukamele imphi, emavi akhe atsambe kwengca emafutsa, noko atinkemba letilindzele kugwaza.

Tihlabelelo 58:3

Bantfu lababi batsi batalwa nje, babe bangenela indlela lembi, bacale emanga.

Tihlabelelo 94:8

Caphelani nine leninenhloko lelukhuni, emkhatsini wesive. Nine tilima, niyawuhlakanipha nini?

Taga 4:16

Bantfu lababi abalali bangakenti lokubi, bayacwasha bangalali nabangakoni muntfu.

Jeremiya 4:22

“Bantfu bami batilima, abangati. Babantfwana labangenangcondvo, abanako nekucondza. Babochwephesha ekwenteni lokubi, abakwati kwenta lokuhle.”

Hoseya 8:3

Kodvwa Israyeli ukulahlile loko lokungukona kukuhle, ngako-ke sitsa sitamcosha.

Zefaniya 1:6

nalabo lase bancandzekile bakuyekela kulandzela Simakadze bangete bamfuna Simakadze bangabuti nekubuta kuye.

Matewu 22:35

Lomunye wabo labesati semtsetfo wamlinga ngekumbuta, watsi:

Lukha 11:25

Ngako-ke uyancandzeka ukhandze lendlu ishanyelwe, ikhanya, ihlobile, konkhe kubekwe ngabolonina.

KumaHebheru 10:39

Kepha tsine asikho kulabo labahlehla nyova badzimate babhubhe; kodvwa sikulabo labanekukholwa, aze Nkulunkulu asindzise imiphefumulo yabo.

1 yaJohane 2:19

Baphuma emkhatsini wetfu, kodvwa babevele bangesibo bakitsi, ngobe kube bebabakitsi, ngabe bachubeka kanye natsi. Noko kwakufanele kutsi kubonakale kutsi kute namunye wabo labewakitsi.

1 Samuweli 15:26

Kodvwa Samuweli wamphendvula watsi: “Ngingeke ngincandzeke nawe. Ulilahlile livi laSimakadze, naSimakadze sewukucitsile ekutseni ube yinkhosi etikwesive sema-Israyeli!”

1 Samuweli 16:14

Moya waSimakadze abesasukile kuSawula, umoya lomubi lowavela kuSimakadze wamkhatsata.

1 Samuweli 18:21

Wacabanga watsi: “Ngitamendzisela yena, kuze abe lugibe lwami kuye Davide, kuze sandla semaFilisti simelane naye.” Ngako Sawula waphindza watsi kuDavide: “Manje sengikunika litfuba lesibili kutsi ube ngumkhwenyane wami.”

1 Samuweli 26:21

Sawula wakhuluma watsi: “Ngonile. Buya, Davide, ndvodzana yami. Ngingeke ngiphindze ngetame kukulimata, ngobe imphilo yami uyisindzisile lamuhla. Impela ngibe silima, ngona kakhulu.”