Tihlabelelo 35:4 - Siswati 1996 Bible

⁴ Shangatsi bangajabha, bahlazeke, labo labafuna umphefumulo wami; shangatsi bangahlakateka labo labacondze kungicitsa.

Tihlabelelo 35:4 Referencias Cruzadas

1 Emakhosi 19:10

Elija waphendvula watsi: “Benginenshisekelo lenkhulu yekukhonta wena Simakadze, Nkulunkulu Somandla. Kodvwa sive saka-Israyeli sisilahlile sivumelwane sakho, sabhidlita emalati akho, sabulala baphrofethi bakho ngenkemba. Ngimi ngedvwa losasele, kodvwa nami sebafuna kungibulala.”

Tihlabelelo 129:5

Shangatsi bonkhe labatondza Siyoni, bangancandvwa bahlazekile.

Tihlabelelo 35:26

Bonkhe labatsakasela kuhlupheka kwami abahlazeke, badliwe ngemahloni, abembatsiswe emahloni nelihlazo labo labangicoloshelako.

Tihlabelelo 38:12

Bantfu labacondze kungibulala bangetsiye ngetingibe, labacondze kungilimata bakhuluma ngekungicitsa bangibulale, sonkhe sikhatsi bakha emacebo ebubi ngami.

Tihlabelelo 71:24

Lulwimi lwami luyawukhuluma ngekulunga kwakho lonkhe lilanga. Ngobe labo bebafuna kungilimata bahlazekile bajabhiswa.

Tihlabelelo 83:18

Shangatsi bangati kutsi nguwe wedvwa lolibito lakhe linguSimakadze, nguwe Losetikwako Konkhe, lophakeme abuse umhlaba wonkhe.

Isaya 37:29

Njengobe uyangibhodlela, nanjengobe kungicoloshela kwakho sekufikile etindlebeni tami, ngitawufaka umkhala wami ekhaleni lakho, nelitomu lami emlonyeni wakho. Ngiyawukuncandzekisa ngaleyo ndlela lote ngayo.

Jeremiya 46:5

Kodvwa ngabe ngibonani? Bayesaba, bayakhwesha, emabutfo abo ayehlulwa. Bagijima bashiya inyosi, bayabaleka, abasabuki ngisho nasemuva, futsi sekunekwesabeka neluvalo yonkhe indzawo,” kusho Simakadze.

Hezekeli 13:19

Nine ningihlambalatile emkhatsini wesive sami, ngobe nicondze kutfola emabinta lambalwa nje ebhali netingebhuta letimbalwa tesinkhwa. Ngekukhuluma emanga esiveni sami, lesilalela emanga, nibabulele labo lebekufanele bangafi, nasindzisa lebekufanele bafe.

Matewu 27:1

Ekuseni lokwa ngeluvivi baphristi labakhulu netibondza tesive benta lisu lekubulala Jesu.

Johane 18:6

Kwatsi Jesu nakabaphendvula atsi: “Ngimi,” bakhwesha nyova, baze bawela phansi.

1 Samuweli 23:23

Ngako-ke tifuneni nitati kahle tonkhe leto tindzawo labhaca kuto, nibuye nite lapha kimi senineliciniso ngato. Mine-ke ngitawube sengihamba nani, nangabe akulelo live, ngitawutfunguluta ngimfune emkhatsini wato tonkhe tinsendvo temaJuda.”