Tihlabelelo 35:22 - Siswati 1996 Bible

²² Nawe, Simakadze, wakubona lokwenteka; ngako-ke phutfuma ungabindzi, ungakhweshi kimi, Simakadze.

Tihlabelelo 35:22 Referencias Cruzadas

Tihlabelelo 10:1

Simakadze, umeleni khashane? Utifihleleni ngesikhatsi sisekuhluphekeni?

Tihlabelelo 10:14

Kantsi wena uyabona, ngobe tinhlupheko netinsizi uyakunaka, kuze ukufumbatse ngetandla takho. Lohluphekile utinikela kuwe, ngobe wena ungumsiti wetintsandzane.

Tihlabelelo 22:11

Ungakhweshi kimi, ngobe inhlupheko isedvute nami, kute nalongangisita.

Tihlabelelo 22:12

Titsa letinyenti tingitungeletile, tinkunzi letinemandla taseBhashani tingivimbetele.

Tihlabelelo 22:19

Kodvwa wena, Simakadze, ungabi khashane nami! Awu, mandla ami, ngiphutfume ungisite.

Tihlabelelo 28:1

Ngikhala kuwe, Simakadze, Dvwala lami. Ungabi sihhulu kimi, ngobe nangabe ungangiphendvuli, ngitawufana nalabaya ethuneni.

Tihlabelelo 38:21

Hhawu, Simakadze! Ungangilahli! Nkulunkulu wami, ungakhweshi kimi!

Tihlabelelo 39:12

Hhawu, Simakadze! Lalela umkhuleko wami, ubeke indlebe yakho ekuncuseni kwami, ungatitibi tinyembeti tekukhala kwami. Ngobe mine ngingumfokati lokhosele kuwe, ngisihambi njengabokhokho bami bonkhe.

Tihlabelelo 50:21

Loko ukwentile, kodvwa mine ngathula; wenta shangatsi mine ngifanana nawe. Kodvwa sengitakwekhuta, ngitawubeka licala emehlweni akho ubuka.

Tihlabelelo 71:12

Hhawu, Nkulunkulu! Ungakhweshi kimi! Hhawu, Nkulunkulu wami! Phutfuma ungihlenge!

Tihlabelelo 83:1

Awu, Nkulunkulu! Ungathuli, utente simungulu. Ungatsalalisi, Nkulunkulu.

Eksodusi 3:7

Simakadze wakhuluma watsi: “Sengikubone ngempela kuhlushwa kwebantfu bami labaseGibhithe. Sengikuvile nekukhala kwabo ngekucindzetelwa nguletindvuna tabo temisebenti. Ngiyakwati kuhlupheka kwabo.

Isaya 65:6

“Buka la, kuhlala kubhaliwe embikwami, kutsi: Ngingeke ngibindze, kodvwa ngitakukhokhela ngalokugcwele, ngitakukhokhela ematsangeni abo,

Imisebenti yebaPhostoli 7:34

Ngibukile ngabona kuhlupheka kwesive sami eGibhithe. Sengikuvile kukhala nekububula kwaso, sengehlile kutasisindzisa. Wota-ke manje, ngitekutfumela eGibhithe.’