Tihlabelelo 35:19 - Siswati 1996 Bible

¹⁹ Ungativumeli titsa tami, letingicambela emanga, kutsi titijabulise ngami. Ungabavumeli labangitondzela lite kutsi baficelane emehlo ngami, bangente inhlekisa.

Tihlabelelo 35:19 Referencias Cruzadas

Jobe 15:12

Inhlitiyo yakho ikutfumbeleni kangaka, nemehlo akho aphashateliswa yini,

Tihlabelelo 109:3

Bangitungeleta ngemavi enzondo, balwa nami ngaphandle kwesizatfu.

Tihlabelelo 119:161

Tikhulu tingitingela ngaphandle kwesizatfu, kodvwa livi lakho liyangitfutfumelisa.

Tihlabelelo 13:4

Sitsa sami asingasho kutsi: “Ngimehlule ngamkhipha inkhani,” funa labatitsa tami bajabule, ngobe sebabona kutsi ngiyayendza.

Tihlabelelo 25:2

Nkulunkulu wami, ngetsembele kuwe, ngisindzise ehlazweni lekwehlulwa. Titsa tami tingatijabulisi ngami.

Tihlabelelo 35:15

Kodvwa kwatsi nangikhubeka ngiwa, batsakasa, bahlangana ndzawonye; bahlanganela kumelana nami, tinkhubela lengingatati tingihlanganyela tinginyembenye siphelane.

Tihlabelelo 38:16

Ngobe enhlitiyweni yami ngitsite: “Bangahle bajabule ngami ekusheleleni kwelunyawo lwami. Shangatsi bangete bacolosha ngami.”

Tihlabelelo 38:17

Ngobe sengisezingeni lekuwa, nebuhlungu bami abusuki kimi.

Tihlabelelo 38:19

Titsa tami tiphila kahle tinemandla, banyenti nalabangitondza ngaphandle kwesici.

Tihlabelelo 38:20

Labo labangiphindzisela lokubi ngalokuhle, batitsa tami, ngobe ngilandzela lokulungile.

Tihlabelelo 69:4

Banyenti kunetinwele tenhloko yami badlanga ngemandla labafuna kungibulala, labo labangitondza ngelite. Ngiphocelelwani kutsi ngikhishiswe intfo lengingakayebi?

Tihlabelelo 69:5

Yebo, Nkulunkulu, wena uyabati bulima bami, netono tami atikafihleki kuwe.

Taga 10:10

Umuntfu loficelana liso lebucili uvisana buhlungu; kodvwa losheshe ekhute lokubi usebentela kuthula.

Taga 6:13

sifica liso lapha nalapha, sisusa luchuku ngekuhlokolota nangekunyatsela lowa nalowa.

Sililo 3:52

Labo lababetitsa tami ngaphandle kwesizatfu babengitingela njengenyoni.

Johane 15:25

Kodvwa noko, loko bekufanele kwenteke, kuze kutewugcwaliseka loko lokwabhalwa emtsetfweni wabo kwekutsi: ‘Bangitondza ngaphandle kwesizatfu.’