Tihlabelelo 34:8 - Siswati 1996 Bible

⁸ Ase ninambitse nibone kutsi Simakadze muhle unemusa! Ubusisiwe lowo lokhosela kuye!

Tihlabelelo 34:8 Referencias Cruzadas

Genesisi 48:16

Shangatsi lengilosi leyangiphephisa kuto tonkhe tingoti ingababusisa labafana. Shangatsi bangabitwa ngelibito lami, nangelibito labobabe Abrahama na-Isaka. Shangatsi bangandza, babe banyenti emhlabeni.”

Tihlabelelo 119:103

Maye, timnandzi tetsembiso takho kimi! Tinongotela kwengca luju lwetinyosi emlonyeni wami.

Tihlabelelo 2:12

Khotsamani etinyaweni tendvodzana, ingadzimate initfukutselele, nifele endleleni, ngobe lulaka lwayo luvutsa masinyane. Babusisiwe bonkhe lababalekela kuyo.

Tihlabelelo 36:10

Chubeka nawo lowo musa wakho, kulabo labakwatiko, uchubeke nekulunga kwakho kulabacotfo ngenhlitiyo.

Tihlabelelo 36:7

Yebo, Nkulunkulu, umusa wakho uligugu lelikhulu. Bantfu basemhlabeni bayakhosela emtfuntini wetimphiko takho.

Tihlabelelo 52:1

Wena sichwaga, utigabatiselani ngalokubi? Umusa waNkulunkulu uyawuma kuze kube phakadze.

Tihlabelelo 63:5

Umphefumulo wami uyakwesutsiswa kube shangatsi ngidle emanoni nemnkantja, nemlomo wami ukudvumise ngenjabulo.

Tihlabelelo 84:12

Yebo, Simakadze wemabandla! Ubusisiwe umuntfu lowetsembele kuwe!

Ingoma Yetingoma 2:3

Njengesihlahla semahhabhula emkhatsini wetihlahla telihlatsi, unjalo lotsandzekako wami emkhatsini wemajaha. Ngiyakujabulela kuhlala emtfuntini wakhe, nesitselo sakhe siyanongotela, nangisinambitsa.

Ingoma Yetingoma 5:1

Sengifikile engadzeni yami, dzadzewetfu, mntfwanaketfu, ngibutse imure yami nemakha ami. Ngiludlile luhlanga lwami lwetinyosi neluju; sengilinatsile liwayini lami nelubisi lwami. Dlanini, bomngami, ninatse; natsisisani lutsandvo, nine titsandzani.

Jeremiya 31:14

Baphristi ngiyawubesutsisa ngenala, sive sami ngisigcwalise ngekwephana kwami,” kusho Simakadze.

Danyela 3:28

Nebukhadnezari-ke wakhuluma watsi: “Akadvunyiswe Nkulunkulu waboShadraki, naMeshaki, na-Abednego lotfume ingilosi yakhe kutsi itewulamlela tinceku takhe! Babemetsembile bangete bawutsatsa umyalo wenkhosi, batimisela kulahlekelwa nakuphila kwabo kunekutsi bakhonte nome bakhotsamele lomunye nkulunkulu ngaphandle kwaNkulunkulu wabo.

Zakhariya 9:17

Maye, live lakhe liyawuba lihle bo! Futsi liyawubukeka lilihle kakhulu. Lokutinhlavu kuyawukwenta tinsizwa tiphumelele, neliwayini lelisha lente emantfombatane ondleke.