Tihlabelelo 33:4 - Siswati 1996 Bible

⁴ Ngobe livi laSimakadze licondzile, konkhe lakwentako kwetsembekile.

Tihlabelelo 33:4 Referencias Cruzadas

Genesisi 24:27

yatsi: “Akabongwe Simakadze, Nkulunkulu wenkhosi yami Abrahama, longakayekeli kukhombisa umusa wakhe nekwetsembeka kwakhe enkhosini yami Abrahama. Mine-ke Simakadze ungihole endleleni, waze wangingenisa endlini yetihlobo tenkhosi yami.”

Tihlabelelo 119:128

Ngako-ke tinyatselo tami ngiticondzisa ngato tonkhe timiso takho; ngiyatitondza tindlela letimbi.

Tihlabelelo 119:75

Ngiyati, Nkulunkulu, kutsi tehlulelo takho tilungile, nekutsi ungijezise njengobe kungifanele.

Tihlabelelo 12:6

Emavi aSimakadze ate sici, endlula isiliva lehlantisisiwe, yahlanjululwa ngemlilo kasikhombisa.

Tihlabelelo 19:8

Imitsetfo yaSimakadze icondzile, ingumtfombo wekujabula kwenhlitiyo. Umyalo waSimakadze umsulwa, uvula emehlo engcondvo.

Tihlabelelo 25:10

Tonkhe tindlela taSimakadze tibubele neliciniso kulabo labagcina sivumelwane sakhe kanye nemiyalo yakhe.

Tihlabelelo 96:13

embikwaSimakadze, ngobe uyeta, yebo, uyeta kutakwehlulela umhlaba. Uyakwehlulela umhlaba ngekulunga, yebo, ehlulele tive ngekwetsembeka kwakhe.

Taga 30:5

“Nkulunkulu wetsembekile etetsembisweni takhe. Uyabaphephisa labo labeta kutewukhosela kuye.

Danyela 4:37

Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

Mikha 2:7

Ucabanga kutsi sive saka-Israyeli singaphansi kwesicalekiso yini? Kungabe Nkulunkulu sewulahlekelwe kubeketela kwakhe yini? Angayenta kambe intfo lenje? “Akakhulumi kahle yini kulabo labenta lokuhle?”

Johane 14:6

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.

KubaseRoma 7:12

Kuyakhanya-ke kutsi umtsetfo ungcwele, nemyalo ungcwele, ulungile, futsi muhle.

Dutheronomi 32:4

“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.

kuThithusi 1:2

Futsi ngitfunyelwe nekubaholela etsembeni lekuphila lokuphakadze, lekwatsi umhlaba ungakasekelwa kwetsenjiswa nguNkulunkulu longawacali emanga.