Tihlabelelo 33:16 - Siswati 1996 Bible

¹⁶ Kute inkhosi lencoba sitsa ngobe inemabutfo lamanyenti, nesichwaga asincobi ngebunyenti bemandla aso.

Tihlabelelo 33:16 Referencias Cruzadas

1 Emakhosi 20:10

Bheni Hadadi watfumela lomunye umlayeto ku-Ahabi atsi: “Ngitakuta nemadvodza lenele kutsi ngitewubhubhisa lelidolobha lakho, lamadvodza atsatse leto timvutfu ngetandla tawo. Shangatsi bonkulunkulu bangangishaya ngife, nangehluleka kukufeza loko.”

1 Emakhosi 20:15

Ngako Ahabi wabita tonkhe tindvuna letincane letingaphansi kwetindvuna tetifundza, taba ngemadvodza langema-232, asawonkhe. Wahlanganisa lamanye ema-Israyeli, wona aba ti-7 000 asawonkhe.

2 Tikhronike 13:8

“Nyalo senitimisele kuphambana nembuso waSimakadze, losetandleni tetitukulwane taDavide. Vele, nine mabutfo lamakhulu kabi, kantsi futsi ninalamatfole egolide lenentelwa wona nguJerobowamu kutsi abe tithico tenu.

2 Tikhronike 20:12

Awu, Nkulunkulu wetfu, ungeke ubehlulele yini? Ngobe tsine site emandla ekubhekana nalemphi lenkhulu kangaka letewusihlasela. Asati kutsi kufanele senteni, kodvwa emehlo etfu abuke kuwe.”

2 Tikhronike 20:23

Emadvodza aka-Amoni newakaMowabi atselekela lawa aseNtsabeni iSeyiri kutsi atekuwabulala awacedze nya. Atsi kube acedze kubulala lawa aseSeyiri, ajika abulalana odvwa.

2 Tikhronike 32:21

Simakadze wase utfumela ingilosi, yafike yawabhubhisa ngenkemba onkhe emachawe lanemandla, nebaholi, netindvuna, yabacedza bonkhe lababelapho enkambu yenkhosi yase-Asiriya. Senaheribi wabuyela emuva eveni lakhe ajojobele. Watsi uyawungena ethempelini lalonkulunkulu wakhe, lamanye emadvodzana akhe amenta silo sengubo, amjuba ngenkemba.

Jobe 36:7

Emehlo akhe akawesusi kulabalungile, ubabeka kanye nemakhosi etihlalweni tebukhosi, abaphakamise kokuphela.

Jobe 39:11

Ungawetsemba yini lamandla ayo lamakhulu? Ungawuyekelela yini umsebenti wakho lomkhulu kuyo?

Tihlabelelo 20:8

Labantfu bacimuleka bawe phansi, kepha tsine sima sitsi zica.

Tihlabelelo 44:3

Ngobe live abalichwaganga ngenkemba yabo ngisho nekuncoba abancobanga ngetikhwepha tabo; kodvwa bancoba ngesandla sakho sekudla, nangengalo yakho, nangekukhanya kwebuso bakho, ngobe wena wawubatsandza.

Eksodusi 14:28

Emanti abuya ambonya tincola temphi, nebagibeli bemahhashi, nawo onkhe emabutfo aFaro labecosha ema-Israyeli. Kute nome munye lowasindza.

Umshumayeli 9:11

Kukhona lokunye lengikubonile lapha ngaphansi kwemtfunti welilanga: Ematubane lamakhulu akusiwo lenta umuntfu aphumelele emncintiswaneni, nemandla akusiwo lenta uncobe ekulweni, kantsi nekudla akutfolwa ngulabahlakaniphile bodvwa, nebunjinga abusibo balabakhaliphe ngengcondvo kuphela, nemphumelelo ayisiyo yalabanelikhono; kodvwa sikhatsi nematfuba kubehlela bonkhe.

Jeremiya 48:14

“Ningasho kanjani kutsi: ‘Sitingwazi tsine, emadvodza labokadzebona bemphi’?

Jeremiya 9:23

Naku lokushiwo nguSimakadze, utsi: “Lohlakaniphile akangatigabatisi ngekuhlakanipha kwakhe, kanjalo nemuntfu lonemandla akangatigabatisi ngemandla akhe, kanjalo futsi nemuntfu lonjingile angatigabatisi ngebunjinga bakhe.

Hoseya 10:13

Kodvwa senihlanyele bubi, navuna bubi, nadla sitselo senkhohlakalo. “Ngobe nisuke netsembela kuwenu emandla nasemabutfweni enu lamanyenti,

Amose 2:14

Nalabagijima ngematubane bangeke baphunyule, nalabanemandla bangeke bakhone kuwagcogca emandla abo, kanjalo nelichawe lingeke liyisindzise imphilo yalo.

Amose 2:15

Loyingcweti ekudubuleni ngebutjoki angeke akhone kucina, lisotja lelihamba phansi ngetinyawo lingeke libaleke, kanjalo nemgibeli welihhashi angeke akhone kusindzisa imphilo yakhe.

Joshuwa 14:12

Manje nginike nali live letintsaba, Simakadze langetsembisa lona ngalelo langa. Nawe cobo lwakho wativela ngaleso sikhatsi kutsi ema-Anaki abekhona lapho nekutsi emadolobha awo abemakhulu futsi atinqaba, kodvwa, ngekusitwa nguSimakadze, ngitawadvungulula ngiwacoshe njengobe Simakadze asho.”

Tikhulu 7:2

Simakadze wakhuluma kuGideyoni, watsi: “Lamadvodza lohamba nawo manyenti kakhulu kutsi nginganikela emaMidiyani etandleni tawo, funa baka-Israyeli batishaye tifuba batsi: ‘Sitisindzise ngemandla etfu.’

Tikhulu 7:4

Kodvwa Simakadze wakhuluma kuGideyoni, watsi: “Asemanyenti lamadvodza. Watsatse wehlele nawo emfuleni, ngitakuhlungela wona khona lapho. Nangitsi: ‘Lona utawuhamba nawe,’ kufanele ahambe, kodvwa nangitsi: ‘Lona angeke ahambe nawe,’ kufanele angahambi.”

1 Samuweli 17:4

Ingwazi lekwakutsiwa nguGoliyathi libito layo, ingeyekuchamuka eGathi, yabonakala iphuma etichemeni temaFilisti. Yayiyindze iluhalakasha, ingetulu kwemamitha labengaba matsatfu.

1 Samuweli 2:9

“Uyakwelusa tinyawo talabangcwele bakhe, kodvwa lababi bona bayawubhujiswa ebumnyameni. Ngobe umuntfu akancobi ngetikhwepha takhe.