Tihlabelelo 33:15 - Siswati 1996 Bible

¹⁵ nguye lobumba tonkhe tinhlitiyo tabo, abukisise tonkhe tento tabo.

Tihlabelelo 33:15 Referencias Cruzadas

Jobe 10:8

“Tandla takho tangeluka, tangibumba. Senguwe njalo lotangibhubhisa futsi?

Jobe 11:11

Ngempela uyabati bantfu labangemacili, kantsi futsi nakabona lokubi, akakutsatseli yini tinyatselo?

Tihlabelelo 44:21

Nkulunkulu abengeke akwati yini loko? Ngobe yena wati timfihlo tenhlitiyo.

Taga 22:2

Tinjinga netimphuya tifanana ngantfo yinye: Bobabili badalwa nguNkulunkulu.

Taga 24:12

ungasho kutsi: “Bengingakwati-ke loku,” ngobe Nkulunkulu uyati, ehlulele tinhloso takho. Lowo lokwelusako uyakwati loko. Yena uyawuvuza lowo nalowo njengekwemisebenti yakhe.

Taga 27:19

Nawutibuka emantini, ubona lingephandle lakho lelibuso bakho; nawutibuka enhlitiyweni, ubona lingekhatsi lakho lelinguwe sibili.

Umshumayeli 7:29

Naku kuphela lengikutfolile: kutsi Nkulunkulu wadala umuntfu, wamenta waba ngulocondzile, kodvwa bantfu besuka bayawufuna emachinga abo lamanyenti.”

Isaya 64:8

Noko, wena Simakadze, unguBabe wetfu. Tsine silibumba, wena ungumbumbi, sonkhe singumsebenti wetandla takho.

Jeremiya 16:17

“Emehlo ami asetikwato tonkhe tindlela tabo, atikafihlakali kimi, nesono sabo asikasitsakali emehlweni ami.

Jeremiya 32:19

imigomo yakho mikhulu, yebo, nemisebenti yakho inemandla. Emehlo akho avulekile kuto tonkhe tindlela tebantfu; ngulowo nalowo umnika umvuzo wakhe ngangekutiphatsa kwakhe nangalokufanele imisebenti yakhe.

Hoseya 7:2

kodvwa ababoni kutsi ngitikhumbula tonkhe tento tabo letimbi. Tono tabo tiyabagabudzela, tisembikwami ngaso sonkhe sikhatsi.”

Imisebenti yebaPhostoli 17:26

Wenta tonkhe tive ngamuntfu munye kutsi tihlale ebusweni bonkhe bemhlaba, wemisa tikhatsi tekuphakama netekwehla kwato kanye nemikhawulo lapho kufanele tigcine khona.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.