Tihlabelelo 33:12 - Siswati 1996 Bible

¹² Sibusisiwe leso sive lesiNkulunkulu waso kunguSimakadze, sive latikhetsele sona kutsi sibe lifa lakhe.

Tihlabelelo 33:12 Referencias Cruzadas

2 Samuweli 20:19

Tsine sibantfu bekuthula nalabetsembekile ka-Israyeli. Wena wetama kubhubhisa lidolobha lelingunina wema-Israyeli. Ufunelani kumita lifa laSimakadze?”

Tihlabelelo 135:4

Ngobe Simakadze utikhetsele Jakobe kutsi abe wakhe, ukhetse Israyeli kutsi abe lifa lakhe.

Tihlabelelo 144:15

Sibusisiwe sive lesinaletibusiso! Sibusisiwe leso sive Nkulunkulu waso lekunguSimakadze!

Tihlabelelo 28:9

Sindzisa sive sakho, ubusise labo labalifa lakho. Beluse ubetfwale, kuze kube phakadze naphakadze.

Tihlabelelo 65:4

Ubusisiwe umuntfu lokhetfwa nguwe umsondzete kuwe, uyawuhlala endzaweni yakho lengcwele. Siyakwesutsiswa ngalokuhle kwendlu yakho, lithempeli lakho lelingcwele!

Eksodusi 34:9

Wakhuluma watsi: “Simakadze, nangabe ngizuze umusa emehlweni akho, ngicela kutsi uhambe natsi, nome sisive lesinenhloko lelukhuni. Tsetselela kona netono tetfu, usente sibe lifa lakho.”

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Jeremiya 10:16

Lowo Losabelo sakaJakobe akafanani naleti, ngobe yena unguMenti wato tonkhe tintfo, wamenta na-Israyeli, sive lesilifa lakhe, nguSimakadze Somandla libito lakhe.

Johane 15:16

Akusini lenangikhetsa, kodvwa ngimi lenganikhetsa nganitfuma kutsi nihambe nitsele titselo letinyenti, leto titselo time futsi, kuze kutsi nobe yini leniyakuyicela kuBabe egameni lami aniphe yona.

Kubase-Efesu 1:4

Kwatsi nemhlaba ungakasekelwa, Nkulunkulu wasikhetsa ngaKhristu, kuze sibe ngcwele, singabi nasici emehlweni akhe. Njengobe asitsandza,

Dutheronomi 32:9

Ngobe sabelo saSimakadze sive sakhe, Jakobe losabelo lesilifa lakhe.

Dutheronomi 33:29

Ubusisiwe wena, Israyeli! Ngubani lofanana nawe, sive lesisindziswe nguSimakadze? Nguye losihlangu sakho nemsiti wakho, nenkemba yakho yeludvumo. Titsa takho tiyawutiletsa kuwe, wena uyakutigcobagcoba tindzawo tato letiphakeme.”

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.