Tihlabelelo 33:11 - Siswati 1996 Bible

¹¹ Emasu aSimakadze ayawuhlala emile kuze kube phakadze; nemicabango yakhe iyawuhlala imile kuto tonkhe titukulwane.

Tihlabelelo 33:11 Referencias Cruzadas

2 Emakhosi 19:25

“ ‘Awuzange uve yini? Ngakumisa kadzeni. Ngakuhlela ngemalanga asendvulo, manje sesikhatsi sekutsi kwenteke, kutsi ugucule emadolobha latinqaba, uwente tindvundvuma tematje.

Jobe 23:13

“Kodvwa nasancumile yena yedvwa, ngubani longamelana naye? Wenta loko lakutsandzako.

Tihlabelelo 92:5

Maye, mikhulu imisebenti yakho, Simakadze! Imicabango yakho ijule kakhulu.

Taga 19:21

Umuntfu angaba netinhloso letinyenti engcondvweni yakhe; kodvwa kugcina kuphumelele inhloso yaSimakadze.

Umshumayeli 3:14

Ngiyati kutsi konkhe lokwentiwa nguNkulunkulu kuyakuma phakadze naphakadze; kute lokungengetwa nalokungacetunwa kuko. Konkhe ukwenta ngendlela yekutsi bantfu batfutfumele ebukhoneni bakhe.

Isaya 14:24

Simakadze longuSomandla ufungile, watsi: “Impela, loku sengikuhlelile, futsi nakanjani kutakwenteka; njengobe sengikuhlosile nje, nakanjani kungeke kugucuke.

Isaya 14:27

Ngobe Simakadze longuSomandla sewutimisele ngaloko, ngubani nje longamvimbela kuloko? Sandla sakhe selulekile, ngubani nje longasijikisa?

Isaya 46:10

Ngimemetela siphetfo kusukela ekucaleni, kusukela etikhatsini takadzeni ngimemetela loko lokutakwenteka. Ngitsi mine: ‘Injongo yami iyakuma, ngiyawukwenta konkhe loko lese ngikuhlelile.’

Jeremiya 29:11

Ngobe ngiyawati emasu lenginawo ngani, yebo, emasu ekuniphumelelisa, hhayi ekunilimata, emasu ekuninika litsemba nelikusasa.

Sililo 3:37

Ngubani longakhuluma, ente kwenteke, nangabe Simakadze angakakumiseli kutsi kube njalo?

Danyela 4:37

Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

Mikha 4:12

Kodvwa letive atati kutsi yini lesengcondvweni yaSimakadze. Atiwacondzi emasu akhe, futsi atiboni nekutsi tibutselwe ndzawonye, khona titewujeziswa kahle, tibhujiswe njengekubhulwa kwemabele labutselwe ndzawonye, abutsaniselwa kubhulwa.

Imisebenti yebaPhostoli 15:18

kwateke kusukela emandvulweni.’ ”

Kubase-Efesu 1:11

Nkulunkulu wasikhetsanchanti ngaye kutsi sibe lifa lakhe, yena lowenta konkhe ngekwentsandvo yakhe.