Tihlabelelo 33:10 - Siswati 1996 Bible

¹⁰ Simakadze ucitsa emacebo etive; ushabalalisa imicabango yebantfu.

Tihlabelelo 33:10 Referencias Cruzadas

Genesisi 11:8

Ngako Simakadze wabahlakata nemhlaba wonkhe, bayekela kulakha lelo dolobha.

2 Samuweli 15:31

Davide abesatjeliwe kwatsiwa: “Ahithofeli usemkhatsini walabo labenta luzungu lwekutsatsa bukhosi kanye na-Absalomu.” Ngako Davide wathandaza watsi: “Awu, Simakadze, gucula kweluleka kwa-Ahithofeli kube nebulima.”

2 Samuweli 15:34

Kodvwa nawungancandzeka ubuyele edolobheni ufike ukhulume ku-Absalomu utsi: ‘Ngitawuba yinceku yakho, nkhosi; kadze ngiyinceku yeyihlo, kodvwa manje ngitawuba yinceku yakho,’ ngaleyo ndlela utangisita ekugwegwiseni teluleko ta-Ahithofeli.

2 Samuweli 17:14

Absalomu kanye nawo onkhe emadvodza aka-Israyeli batsi: “Leseluleko saHushayi, um-Akhi, sincono kunalesa sa-Ahithofeli.” Loku kwentiwa kutsi Simakadze abecondze kuswabisa leseluleko sa-Ahithofeli, kuze ehlisele bubi ku-Absalomu.

2 Samuweli 17:23

Ahithofeli watsi kube abone kutsi seluleko sakhe abakasilandzeli, wabophela imbongolo yakhe, waphuma, wabanga ekhaya kakhe lelalisedolobheni lakubo. Wacala walungisa kahle tonkhe tintfo tasemndenini wakakhe, wase uyatikhunga, wafa; wangcwatjwa edlizeni leyise.

2 Emakhosi 6:9

Elisha wase utfumela livi enkhosini yema-Israyeli, watsi: “Caphela ungendluli ngakuleyo ndzawo, ngobe emaSiriya asehlela khona.”

Nehemiya 4:9

Kodvwa sathandaza kuNkulunkulu wetfu, ngenca yalolusongo sabeka bogadzi kutsi bagadze imini nebusuku.

Tihlabelelo 140:8

Simakadze, tifiso talababi ungatiphumelelisi, ungawaphumelelisi emasu abo lamabi, funa batigabatise. Cabanga.

Tihlabelelo 21:11

Nome bebahlose lokubi ngawe, bacondze kukugangela, kodvwa bangeke baphumelele.

Tihlabelelo 9:15

Emahedeni asahholokoshele emgodzini labewumbile; asabanjwe elugibeni lolwetsiywe ngawo.

Taga 21:30

Kuhlakanipha kwemuntfu, nekucondza kanye nemyalo longiwo sibili kungeke kukusite, nangabe kucondzene nekumelana naSimakadze.

Isaya 19:3

EmaGibhithe ayawuphelelwa ngemandla; emasu awo ngiyawuwacedza atsi nya. Ayawuya etithicweni ayewuphengula, aze ayewufuna labaphansi, netangoma, nalababhulako.

Isaya 44:23

Hlabelani ngekujabula, nine mazulu, ngobe loku kwentiwe nguSimakadze; memetani kakhulu, nine tindzawo temhlaba letijulile. Hlokomani ngengoma, nine tintsaba, nine mahlatsi, nato tonkhe tihlahla tenu. ngobe Simakadze sewuhlenge Jakobe, ubonakalisa bukhosi bakhe ka-Israyeli.

Isaya 44:25

lophuntisa tibonakaliso tebaphrofethi bemanga, labaphengulako abente tilima, acitse kufundza kwalabahlakaniphile, akugucule akwente kube ngumbhedvo.

Jeremiya 19:7

“ ‘Emacebo akaJuda ngiyakuwahhihlitela kulendzawo kanye newaseJerusalema. Ngiyawubenta bawe ngenkemba embikwetitsa tabo, ngetandla talabo labatfungatsana netimphilo tabo, ngiyawunika tidvumbu tabo tibe kudla kwetinyoni tasemoyeni kanye nekwetilwane tesiganga.

Hezekeli 20:32

“ ‘Nikhuluma nitsi: “Sifuna kuba njengaletinye tive natsi, sibe njengetive temhlaba letikhonta tigodvo nematje.” Kodvwa loko leninako engcondvweni kungeke kuze kwenteke.’ ”

Malakhi 1:4

Edomu angasho atsi: “Nome sipitjitiwe, kodvwa sitawutakha kabusha letindzala.” Kodvwa naku lokushiwo nguSimakadze longuSomandla, utsi: “Bangakha, kodvwa ngitawuphindze ngibhidlite. Bayawubitwa ngekutsi Live Lenkhohlakalo, sive lesihlala njalo singaphansi kwelulaka lwaSimakadze.