Tihlabelelo 31:13 - Siswati 1996 Bible

¹³ Yebo, ngiva labanyenti bayangihleba, ngihlala ngetfuka tanya. Bangakhela emacebo, bahlose kungibulala.

Tihlabelelo 31:13 Referencias Cruzadas

Genesisi 40:23

Noko lomphatsi wetitja akazange amkhumbule Josefa; wamkhohlwa.

Tihlabelelo 101:5

Lowo lohleba makhelwane wakhe emasitseleni mine ngiyawumcitsa. Lowo lonemehlo lachoshile nenhlitiyo letigcabhako angihambisani naye.

Tihlabelelo 55:10

Lelidolobha kulitungeleta imini nebusuku, kuhambahambe etikwetindvonga talo; bubi nelusizi kubusa ekhatsi kwalo.

Tihlabelelo 57:4

Ngisemkhatsini wemabhubesi, labantfu labashwabudzelanako. Ematinyo awo atikhali nemicibisholo, tilwimi tawo tinkemba letikhaliphako.

Jeremiya 11:19

Bengifanana nelizinyane lemvu lelitfobile liyewuhlatjwa; ngangingati kutsi kantsi bese bente lisu lekungenta silo sengubo, batsi: “Asisibhubhise lesihlahla kanye netitselo taso, asimkhweshise eveni lalabaphilako, kuze libito lakhe lingaphindzi likhunjulwe.”

Jeremiya 20:10

Ngiva bayahebeta labanyenti batsi: “Sesabiso yonkhe indzawo! Mcebe! Asimcebe!” Bonkhe bangani bami balindzele mine kutsi ngishelele, batsi: “Mhlawumbe utawuyengeka; khona sitawube sesiyamehlula, sitiphindzisele kuye.”

Jeremiya 6:25

Ningaphumeli emasimini, nome-ke nihambe emigwacweni, ngobe sitsa siphetse inkemba, kuyesabeka yonkhe indzawo.

Sililo 2:22

“Wabutsisa tesabiso tami ndzawo tonkhe, kwaba shangatsi umemela bantfu edzilini. Ngelilanga lentfukutselo yaSimakadze kute namunye lowaphunyula nalowasindza. Titsa tami tibashaye tabacotfula labo lengangibongile ngabanakekela.”

Matewu 26:59

Baphristi labakhulu neLiqoqo lonkhe baphenyisisa Jesu bafuna bufakazi lobungemanga, khona batewumlahla ngelicala lekufa.

Matewu 27:1

Ekuseni lokwa ngeluvivi baphristi labakhulu netibondza tesive benta lisu lekubulala Jesu.

Lukha 23:5

Kodvwa baphikelela ngemandla batsi: “Lomuntfu ususa lutfutfuva emkhatsini webantfu ngalemfundziso yakhe! Wacala eGalile, wadzabula iJudiya yonkhe, manje sewuze wefika nalapha.”

1 Samuweli 20:33

Kodvwa Sawula wamjijimeta ngesikhali acondze kumbulala. Ngako Jonathani wavele wabona kutsi uyise abetimisele ngekubulala Davide.

1 Samuweli 24:9

Watsi kuSawula: “Ubalalelelani labantfu labatsi: ‘Davide ufuna kukulimata?’