Tihlabelelo 27:9 - Siswati 1996 Bible

⁹ Ungabufihli buso bakho kimi. Ungayincandzi ngentfukutselo inceku yakho, nguwe Somandla, lolusito lwami. Ungangiyekeleli, ungangilahli! Wena unguNkulunkulu wensindziso yami.

Tihlabelelo 27:9 Referencias Cruzadas

1 Tikhronike 28:9

“Wena-ke, Solomoni, ndvodzana yami, yenta Nkulunkulu weyihlo abe ligugu kuwe, umkhonte ngayo yonkhe inhlitiyo yakho nangengcondvo levumako, ngobe Simakadze uhlolisisa tonkhe tinhlitiyo acondzisise tonkhe tinjongo temicabango. Nawumfuna, utamtfola; kodvwa nawumlahla, naye utakuyekela phakadze naphakadze.

Tihlabelelo 102:2

Ungabufihli buso bakho kimi, ngesikhatsi sekuhlupheka kwami! Beka indlebe yakho kimi; usheshe ungiphendvule njalo nje nangikhala kuwe.

Tihlabelelo 102:3

Emalanga ami endlula njengentfutfu, ematsambo ami ashise njengemlilo.

Tihlabelelo 119:121

Sengikwentile lokulungile nalokucotfo, ungangiyekeleli kulabangicindzetelako.

Tihlabelelo 13:1

Hhawu, Simakadze! Utangikhohlwa kuze kube ngunini? Utangifihlela buso bakho kuze kube ngunini?

Tihlabelelo 143:7

Sheshisa, Simakadze, ungiphendvule; umoya wami ushona phansi. Ungangifihleli buso bakho, funa ngibe njengalabashona emgodzini.

Tihlabelelo 24:5

Simakadze uyawumbusisa, yebo, Nkulunkulu wensindziso uyawumenta abe msulwa.

Tihlabelelo 44:24

Ubufihleleni buso bakho? Ukukhohlweleni kuhlushwa nekucindzetelwa kwetfu?

Tihlabelelo 51:11

Ungangicoshi ebusweni bakho, ungangemuki Moya wakho Longcwele.

Tihlabelelo 69:17

Ungayifihleli buso bakho inceku yakho, ngobe ngisebunzimeni, phutfuma ungiphendvule.

Tihlabelelo 69:18

Sondzela emphefumulweni wami, uwuhlenge, ngephule ngobe titsa tami tinyenti.

Tihlabelelo 88:1

Simakadze, Nkulunkulu wensindziso yami. Ngikhala kuwe imini nebusuku.

Isaya 50:1

Naku lokushiwo nguSimakadze, utsi: “Iphi incwadzi yenyoko yesehlukaniso, lengamcosha ngayo kutsi ahambe? Nome-ke nganitsengisa kumuphi kulengibakweledako? Natsengiswa ngenca yetono tenu, ngenca yemacala enu unyoko wacoshwa.

Isaya 59:2

Kodvwa tiphambuko tenu tinehlukanisile naNkulunkulu wenu; tono tenu tibusitsile buso bakhe kini, kuze angetikuniva.

Jeremiya 32:40

Ngiyakwenta nabo sivumelwane saphakadze: Ngingeke ngiyekele kwenta lokuhle kubo, nabo ngibafake umoya wekungesaba, khona bangeyiwuphindze bahlubuke kimi.

KumaHebheru 13:5

Balekelani kutsandza imali, neneliswe nguloko leninako, ngobe Nkulunkulu watsi: “Ngingeke ngikuyekele, ngingeke ngikushiye.”

1 Samuweli 7:12

Samuweli wabe sewutsatsa litje, walimisa emkhatsini waseMispa naseSheni. Waletsa libito watsi yi-Ebheni Eza, atsi: “Simakadze usisite kwaze kwaba ngumanje.”