Tihlabelelo 25:8 - Siswati 1996 Bible

⁸ Simakadze muhle ulungile, ngako-ke ufundzisa toni indlela lekungiyo sibili.

Tihlabelelo 25:8 Referencias Cruzadas

Tihlabelelo 119:68

Wena umuhle, konkhe lokwentako kuhle, ngifundzise timiso takho.

Tihlabelelo 32:8

Simakadze utsi: “Mine ngiyawukufundzisa ngikukhombise indlela lofanele kuhamba ngayo, ngikweluleke, liso lami lingesuki kuwe.

Tihlabelelo 92:15

kuze kubonakale kutsi Somandla ulungile, yena ulidvwala lami, yena unguSokulunga.

Isaya 26:7

Indlela yalolungile ibekile. Awu, wena Locondzile, wenta indlela yalolungile icondze.

Mikha 4:2

Tive letinyenti tiyawufika titsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe. Ngobe umtsetfo uyawuphuma eSiyoni, livi laSimakadze liphume eJerusalema.”

Matewu 9:13

Kepha hambani nifundze kutsi kusho kutsini kutsi: ‘Ngifuna sihawu, hhayi umhlatjelo;’ ngobe angiketeli kubita labalungile kepha toni.”

Lukha 11:13

Nome ningakalungi kodvwa niyakwati kupha bantfwabenu tintfo letinhle, kakhulu kangakanani-ke, Babe losezulwini uyawubanika Moya Longcwele labo labamcelako.”

2 kubaseKorinthe 4:6

Ngobe yena lowo Nkulunkulu lowatsi: “Akuvele kukhanya ebumnyameni,” nguye futsi lokhanyise etinhlitiyweni tetfu, kuze sikwati kubona inkhatimulo yaNkulunkulu ebusweni baKhristu.

YaJakobe 1:5

Nangabe emkhatsini wenu kukhona loswele kuhlakanipha, akacele kuNkulunkulu lonika bonkhe bantfu ngekwephana lokungenakufehla, utawuphiwa.