Tihlabelelo 24:7 - Siswati 1996 Bible

⁷ Nine masango, vulekani! Nani minyango yasemandvulo vulekani nitsi nge, kuze iNkhosi yeludvumo itewungena.

Tihlabelelo 24:7 Referencias Cruzadas

2 Samuweli 6:17

Libhokisi laSimakadze baliletsa balibeka endzaweni yalo ekhatsi ethendeni Davide labelakhele lona, Davide wenta umhlatjelo wekushiswa kanye neminikelo yebudlelwane embikwaSimakadze.

1 Emakhosi 8:11

Baphristi abazange basakwati kuchubeka nekwenta inkonzo yabo ngenca yalelo lifu, ngobe inkhatimulo yaSimakadze yaligcwalisa lithempeli lakhe.

1 Emakhosi 8:6

Ngako-ke baphristi balingenisa libhokisi lesivumelwane saSimakadze balibeka endzaweni yalo lengekhatsi kakhulu ethempelini, indzawo lengcwelengcwele, bafike balibeka phansi kwemaphiko alamakherubhi.

Tihlabelelo 132:8

Phakama, Simakadze, uye endzaweni yakho yekuphumula, wena nelibhokisi lesivumelwane sakho, lelingumfanekiso wemandla akho.

Tihlabelelo 21:1

Yebo, Simakadze, inkhosi iyajabula ngemandla loyiphe wona. Kukhulu kanganani kujabula kwayo, ngekuncoba loyentele kona.

Tihlabelelo 21:5

Tidvumo tayo tinkhulu, ngenca yelusito lwakho, uyinike ludvumo nebukhosi.

Tihlabelelo 97:6

Emazulu amemetela kulunga kwakhe, tonkhe tive tibubone bukhosi bakhe.

Isaya 26:2

Vulani emasango, kuze sitewungena sive lesilungile, sive lesigcina kukholwa.

Isaya 62:10

Phumani, phumani emasangweni! Lungiselelani bantfu umgwaco! Yakhani, yakhani umgwaco lomkhulu! Susani ematje. Phakamiselani tive siboniso sekuncoba, titesibona.

Mikha 4:8

Nawe Jerusalema, njengobe bewuyinqaba yekulondvolota umhlambi wakho, wena ntsaba yaseSiyoni uyawuphindza futsi ube yinhlokodolobha yalowo mbuso, lowawuvele ungiyo.

Hagayi 2:7

Ngitawunyakatisa tonkhe tive, nako konkhe lokulangatelelwa tive tonkhe kutawufika, ngitawugcwalisa lendlu ngenkhatimulo,’ kusho Simakadze longuSomandla.

Hagayi 2:9

‘Inkhatimulo yalendlu lena itawuba yinkhulu kakhulu kunenkhatimulo yendlu yakucala,’ kusho Simakadze longuSomandla. ‘Futsi kulendzawo ngiyawuletsa kuthula,’ kusho Simakadze longuSomandla.”

Malakhi 3:1

“Bukani la, ngiyawutfumela sitfunywa sami, lesiyawulungisa indlela embikwami. Masinyane loSimakadze lenimfunako uyakuta ethempelini lakhe. Yebo, sitfunywa sesivumelwane lenisifisako siyawufika,” kusho Simakadze longuSomandla.

Makho 16:19

Emvakwaloko, iNkhosi Jesu seyikhulumile nabo yatsatfwa yenyuselwa ezulwini, yahlala ngesekudla saNkulunkulu.

1 kubaseKorinthe 2:8

Ayatiwa ngisho nangumunye webaholi balesikhatsi salamuhla. Ngobe kube bebayati ngabe abayibetselanga iNkhosi yenkhatimulo.

YaJakobe 2:1

Bazalwane bami, nine lenikholwa yiNkhosi yetfu yenkhatimulo, Jesu Khristu, ningabobakhetsa bantfu.

1 yaPhetro 3:22

Yena sewahamba waya ezulwini, lapho asahleti khona ngesekudla saNkulunkulu; emagunya, nemandla, netingilosi sekwabekwa ngaphansi kwakhe loJesu.

2 yaPhetro 3:18

Kodvwa khulani emseni nasekuyatini iNkhosi neMsindzisi wetfu Jesu Khristu. Ludvumo alube kuye manje kuze kube phakadze. Amen.

Sembulo 4:11

“Ufanele wena, Nkulunkulu, loyiNkhosi yetfu, kutsi wemukele bukhosi, neludvumo, nemandla, ngobe konkhe kwadalwa nguwe. Konkhe kwenteka ngentsandvo yakho, kwadalwa ngayo.”