Tihlabelelo 21:9 - Siswati 1996 Bible

⁹ Mhla kubonakala wena, uyawubashisa babe ngumlilo lowesabekako nalohhumako. Simakadze uyawubacedza ngentfukutselo yakhe, abacotfule ngemlilo.

Tihlabelelo 21:9 Referencias Cruzadas

Genesisi 19:28

Wabuka entansi ngaseSodoma neGomora, ematsafeni angakhona. Wabona intfutfu yalelo live yenyuka njengemusi wenkhehlewane yemlilo.

Ezra 6:12

Shangatsi Nkulunkulu, lowente kutsi Libito lakhe lihlale lapho, angacitsa nome nguyiphi inkhosi nome sive lesiphakamisa sandla sekugucula lomtsetfo nome sekubhubhisa lelithempeli leliseJerusalema. “Ngimi Dariyusi lokhiphe lomtsetfo. Kufanele wentiwe ngenkhutsalo yonkhe.”

Jobe 6:3

ngempela betingaba matima kwendlula sihlabatsi saselwandle, ngako-ke akumangalisi kutsi emavi ami ashube kangaka.

Tihlabelelo 106:17

Umhlaba wakhamisa wamita Dathani, wagcibedzela Abiramu nebalandzeli bakhe,

Tihlabelelo 18:38

Ngatiphahlata taze tehluleka kuvuka, tawela ngaphansi kwetinyawo tami.

Tihlabelelo 18:8

Emakhala akhe akhafula intfutfu, umlomo wakhe wakheputa umlilo locotfulako kuwo kwakhehleka emalahle labovu.

Tihlabelelo 2:12

Khotsamani etinyaweni tendvodzana, ingadzimate initfukutselele, nifele endleleni, ngobe lulaka lwayo luvutsa masinyane. Babusisiwe bonkhe lababalekela kuyo.

Tihlabelelo 2:5

Wase ukhuluma kubo ngentfukutselo yakhe, ubakhahla ngelulaka lwakhe, utsi:

Tihlabelelo 50:3

Nkulunkulu wetfu uyeta, angeke abindze. Embikwakhe kunemlilo locotfulako, utungeletwe sivunguvungu lesesabekako.

Isaya 26:11

Simakadze, sandla sakho siphakamele etulu, kodvwa noko abasiboni. Bente babone inshisekelo yakho ngesive sakho, batewudliwa ngemahloni. Akutsi umlilo lowugcinele titsa takho udle bona ubacedze.

Sililo 2:2

Simakadze ushwabudzele onkhe emakhaya akaJakobe, ngaphandle kwekuwahawukela. Ngelulaka lwakhe udladlabule tinqaba teNdvodzakati yakaJuda. Uwehlisele phansi emhlabatsini ngelihlazo umbuso wayo kanye netikhulu tayo.

Nahume 1:6

Ngubani nje longamelana nentfukutselo yakhe? Ngubani longabhekana nelulaka lwakhe lolwesabeka kangaka? Nakacitsa intfukutselo yakhe lenjengemlilo, emadvwala agayeka phansi abe tincetu embikwakhe.

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.

Matewu 13:42

tibalahle emlilweni lowesabekako, lapho bayawukhala kudzimate kugedletele ematinyo.

Matewu 13:50

tibajike emlilweni lowesabekako, lapho bantfu bayawukhala kakhulu bagedletelise nematinyo.”

Matewu 22:7

Inkhosi yatfukutsela kakhulu, yaze yakhipha imphi yemasotja leyafike yabulala bonkhe labo babulali, yashisa nelidolobha labo.

Matewu 25:41

“Iyawutsi kulaba labangesancele: ‘Khweshani kimi, nine labacalekisiwe, niye emlilweni waphakadze lolungiselwe Sathane netingilosi takhe!

Matewu 25:46

Labo-ke bayawuhamba baye ekujezisweni kwaphakadze; kodvwa labalungile bayakuya ekuphileni kwaphakadze.”

Matewu 3:10

Nanyalo lizembe libekiwe etimphandzeni tetihlahla, ngako-ke sihlahla lesingatseli titselo letihle siyajutjwa sifakwe emlilweni.

Matewu 3:12

Sitja sakhe sekwela sisesandleni sakhe; uyawushanelisisa sibuya sakhe abutsele emabele esilulwini sakhe, kepha emakhoba uyawuwashisa ngemlilo longacimeki.”

Dutheronomi 32:22

Ngobe umlilo uphembeke ngentfukutselo yami, umlilo lovutsa ufike phansi ekujuleni endzaweni yalabafile. Uyawudla umhlaba kanye netivuno tawo, ulumeke umlilo etisekelweni tetintsaba.

1 kubaseThesalonika 2:16

Adzimate asivimbela nekutsi sishumayele insindziso kubetive. Ngaloko-ke imihla nemalanga atengetela tono. Kodvwa ekugcineni lulaka lwaNkulunkulu seluze lwabehlela.

2 kubaseThesalonika 1:8

INkhosi iyawuvela emalangabini emlilo, ijezise labo labangamati Nkulunkulu, nalabo labangalilaleli liVangeli leNkhosi yetfu Jesu.

Sembulo 19:15

Emlonyeni wakhe kuphuma inkemba lekhaliphako latawushaya tive ngayo, uyawutibusa ngesandla lesimatima. Uyawunyatsela litje lesikhamo seliwayini. Leliwayini liyintfukutselo yelulaka lwaNkulunkulu Somandla.

Sembulo 20:14

Kufa nendzawo yalabafile kwajikwa echibini lemlilo. Loku kufa kwesibili, lichibi lelivutsa umlilo.