Tihlabelelo 18:7 - Siswati 1996 Bible

⁷ Umhlaba watfutfumela, watamatama, netisekelo tetintsaba tatfutfumela, tatamatama, ngobe Somandla abesatfukutsele.

Tihlabelelo 18:7 Referencias Cruzadas

Tihlabelelo 34:16

Buso baSimakadze buphambene nalabenta lokubi, kuze abashabalalise, bangabe basakhunjulwa emhlabeni.

Tihlabelelo 34:18

Simakadze uhlala asedvute nabo labanetinhlitiyo letephukile uyabasindzisa labanemoya lowephukile.

Tihlabelelo 39:13

Ngiyekele! Ungabe uloku ungigolotele, ngobe ngifuna kuphindze ngijabule, ngingakahambi emhlabeni.

Tihlabelelo 40:2

Wangikhipha emgodzini wekufa, wangikhipha eludzakeni lolubishako, wasimisa tinyawo tami etikwelidvwala, wacinisa kuhamba kwami.

Tihlabelelo 46:2

Ngako-ke kute lesikwesabako: nome kugucuka umhlaba utanyatanyiswe, nome tintsaba tingacwila ekujuleni kwelwandle,

Jeremiya 4:24

Ngabuka tintsaba, nato tatinyikanyika, onkhe emagcuma abeyendza.

Habakhuki 3:10

tintsaba takubona tatfutfumela. Kwendlula tikhukhula temanti, kujula kwabhodla, kwaphakamisela emagagasi ako etulu.

Habakhuki 3:6

Nakema, kunyikanyika umhlaba, nakabuka, kutfutfumela tive. Tintsaba takudzala tiyahhihlika, nemagcuma akadzenidzeni ayagocana. Tindlela takhe taphakadze naphakadze.

Zakhariya 14:4

Ngalelo langa tinyawo takhe tiyakuma etikweNtsaba Yemincumo, ngasemphumalanga kweJerusalema, bese kutsi leNtsaba Yemincumo ichekeke ekhatsi kusukela ngasemphumalanga kuye ngasenshonalanga, kwakheke sigodzi lesikhulu, incenye yalentsaba iyawukhweshela ngasenyakatfo, kutsi incenye lenye ikhweshele ngaseningizimu.

Matewu 28:2

Kwaba khona kutamatama kwemhlaba lokukhulu, ingilosi yeNkhosi yehla ezulwini, yaligicita lelitje, yase ihlala etikwalo.

Imisebenti yebaPhostoli 4:31

Nabacedza kuthandaza, lendzawo babehlangene kuyo yatanyatanyiswa. Bonkhe bagcwaliswa ngaMoya Longcwele, bacala bakhuluma livi laNkulunkulu ngesibindzi.

1 kubaseKorinthe 13:2

Nome ngingaphrofetha ngati timfihlakalo tonkhe, nelwati lonkhe, nome nginekukholwa lokukhulu kangangekutsi ngingasusa tintsaba, kepha nangite lutsandvo, angisiyontfo yalutfo.

Dutheronomi 32:22

Ngobe umlilo uphembeke ngentfukutselo yami, umlilo lovutsa ufike phansi ekujuleni endzaweni yalabafile. Uyawudla umhlaba kanye netivuno tawo, ulumeke umlilo etisekelweni tetintsaba.

Tikhulu 5:4

“Yebo, Simakadze, nawuphuma eSeyiri, nawuhlasela usuka eveni laka-Edomu, umhlaba watamatama, emazulu acitsa. Emafu acitsa imvula.