Tihlabelelo 18:44 - Siswati 1996 Bible

⁴⁴ Betive batsi bangangiva, bangihlonipha masinyane, beta kimi bakhasa.

Tihlabelelo 18:44 Referencias Cruzadas

2 Samuweli 1:13

Davide wabuta lelijaha lelaliletse lombiko kuye, watsi: “Wena uphumaphi?” Laphendvula latsi: “Mine ngiyindvodzana yemuntfu wesive, um-Amaleki.”

Tihlabelelo 66:3

Khulumani kuNkulunkulu nitsi: “Maye, imisebenti yakho mikhulu iyesabeka. Titsa takho titawuta kuwe tikhasa ngemadvolo, ngenca yemandla akho lamakhulu.

Tihlabelelo 68:30

Sekhute lesilwane semhlanga, iGibhithe, uwekhute nalomhlambi wetinkunzi losemkhatsini wematfole etive. Bayagcobagcobana, babange imali, basakate leto tive, bajatjuliswe kususa lutfutfuva lwemphi.

Tihlabelelo 81:15

Labangitondzako bebetawuta embikwami, bete bashosha phansi ngemadvolo, kujeziswa kwabo kuhlale ingunaphakadze.

Isaya 62:8

Simakadze ufunge ngesandla sakhe sekudla nangemkhono wakhe lonemandla, watsi: “Angisayiwuphindza ngephane ngekudla kwakho kutsi kube kudla kwetitsa takho, nebetive abasayiwuphindze balinatse liwayini lelisha lolishikashikanele kangaka.

Hezekeli 44:7

Ngetulu kwato tonkhe letinye tintfo tenu lenitentako letinengekako niletse betive labangakasokwa enhlitiyweni nasenyameni, nabangenisa endzaweni yami lengcwele, nangcolisa lithempeli lami ngesikhatsi ninikela kimi ngekudla, nangemanoni, nangengati, nephula sivumelwane sami.

Dutheronomi 33:29

Ubusisiwe wena, Israyeli! Ngubani lofanana nawe, sive lesisindziswe nguSimakadze? Nguye losihlangu sakho nemsiti wakho, nenkemba yakho yeludvumo. Titsa takho tiyawutiletsa kuwe, wena uyakutigcobagcoba tindzawo tato letiphakeme.”