Tihlabelelo 18:43 - Siswati 1996 Bible

⁴³ Wangisindzisa embangweni wesive sakitsi, wangibeka ngaba yinhloko yetive. Sive lengingazange sengisati sitangikhotsama.

Tihlabelelo 18:43 Referencias Cruzadas

2 Samuweli 19:9

Kuto tonkhe tive tema-Israyeli bonkhe bantfu babephikisana bodvwa, batsi: “Inkhosi Davide yasikhulula etandleni tetitsa tetfu, ngiyo leyo leyasephula esandleni semaFilisti. Kodvwa manje seyibalekile kulelive ngenca ya-Absalomu,

2 Samuweli 3:1

Kulwa emkhatsini wendlu yakaSawula neyakaDavide kwachubeka sikhatsi lesidze. Davide wakhula wachubeka kuba nemandla, kantsi indlu yakaSawula yachubeka kuba butsakatsaka.

Tihlabelelo 108:9

Mowabi ngumgezelo wami, etikwa-Edomu ngulapho ngijika khona sicatfulo sami, etikweFilistiya ngiyetsaba ngidle siga.”

Isaya 49:6

utsi: “Kuyintfo lelula kakhulu kuwe kuba yinceku yami kubuyisela tive takaJakobe, nekubuyisa labo labasasele bema-Israyeli lengitigcinele bona. Ngitakwenta futsi ube kukhanya kubetive, kuze utewumikisa insindziso yami emikhawulweni yonkhe yemhlaba.”

Isaya 52:15

Ngako tive letinyenti tiyawumangala ngayo, nemakhosi ayawuvala imilomo yawo ngenca yayo, ngobe bayawukubona loko labangazange sebatjelwe ngako, naloko labangazange sebakuve bayawukucondza.”

Isaya 55:5

Impela, nawe uyawubita tive longatati, netive letingakwati tiyawusheshisa tite kuwe, ngenca yaSimakadze Nkulunkulu wakho, Longcwele waka-Israyeli, ngobe yena ukuphe bukhosi.”

Hoseya 1:10

“Noko ema-Israyeli ayawuba manyenti ngangesihlabatsi saselugwini lwelwandle, lesingeke sikalwe nome sibalwe. Endzaweni lapho kwakukhulunywa khona kubo kwatsiwa: ‘Nine anisiso sive sami,’ bayawubitwa ngekutsi: ‘Ngemadvodzana aNkulunkulu lophilako.’

Imisebenti yebaPhostoli 5:31

Nkulunkulu wamenyusela ngasesandleni sakhe sekudla njengeMholi neMsindzisi, kuze anike bantfu baka-Israyeli litfuba lekuphendvuka, kutsetselelwe tono tabo.

KubaseRoma 15:12

Kantsi na-Isaya utsi: “Kuyawufika umliba waJese, lowo uyawuvukela kubusa tive, tive tiyakwetsembela kuwo.”

KubaseRoma 15:18

Ngobe ngiyawubate sibindzi sekukhuluma lutfo lolunye ngaphandle kwaleto tintfo Khristu latente ngami. Khristu wasebenta ngemavi ami nangetento tami, kuze betive bamlalele;

KubaseRoma 16:26

kodvwa nyalo seyembuliwe. Leyo mfihlakalo yabhalwa baphrofethi, yamenyetelwa kuto tonkhe tive ngekwemiyalo yaNkulunkulu waphakadze, kuze bonkhe batewukholwa balalele yena.

Kubase-Efesu 1:22

Nkulunkulu wabeka konkhe ngaphansi kwemandla akhe, wambeka kutsi abe yinhloko etikwako konkhe ebandleni.

1 yaPhetro 2:10

Nine naningesiso sive, kodvwa nyalo senisive saNkulunkulu. Nake naba ngaphandle kwemusa, kepha nyalo seniwemukele.

Sembulo 11:15

Ingilosi yesikhombisa yashaya licilongo layo, kwase kuba nemisindvo lemikhulu kakhulu ezulwini itsi: “Umbuso walomhlaba sengumbuso weNkhosi yetfu, naKhristu wakhe; iyawubusa kuze kube phakadze naphakadze!”