Tihlabelelo 18:14 - Siswati 1996 Bible

¹⁴ Wajijimeta ngemicibisholo yakhe, kwasakateka titsa, watigalela ngemibane, watidzidzitelisa, tasiphuka.

Tihlabelelo 18:14 Referencias Cruzadas

Jobe 37:4

Emvakwaloko kuta umsindvo wekudvuma kwakhe, ubhavumula ngelivi lakhe lebukhosi. Liphimbo lakhe lingabhavumula akusali lutfo lunganyakati.

Jobe 37:5

Liphimbo laNkulunkulu libhavumula ngetindlela letimangalisako. Wenta tintfo letinyenti letinkhulu naletingetulu kwetingcondvo tetfu.

Jobe 38:35

Ungayitfuma yini imibane kutsi ibaneke? Yona ingakuphendvula yini itsi: ‘Naku sesikhona’?

Jobe 6:4

Imicibisholo yaSomandla ingekhatsi, ingihlabile, umoya wami sewunatse shevu wayo. Tesabiso taNkulunkulu ticondzane nami ngco.

Tihlabelelo 144:6

Bashaye ngelitulu ubadvungulule bacibe ngemicibisholo yakho, baphitsitele.

Tihlabelelo 21:12

Uyawubenta babaleke, ubadubule ngemicibisholo yakho.

Tihlabelelo 29:3

Liphimbo laSimakadze lisetikwemanti, Nkulunkulu weludvumo uyadvuma, Simakadze usetikwemanti lamanyenti.

Tihlabelelo 29:7

Liphimbo laSimakadze libaneka emalangabi emlilo.

Tihlabelelo 77:17

Emafu atsela imvula, tibhakabhaka tadvuma taklaklabula, kwaklwebha imicibisholo yemibane ndzawana tonkhana.

Tihlabelelo 77:18

Siphepho sasinemsindvo wekudvuma, kwaphambana imibane, kwakhanya umhlaba, umhlaba wagidzitela watamatama.

Isaya 30:30

Simakadze uyakwenta bantfu kutsi babuve bukhosi belivi lakhe, uyawubabonisa kwehla kwemkhono wakhe ngentfukutselo lekhephukako nangemlilo lodlako, nangekucheketeka kwemafu, nangekudvuma, nangesangcotfo.

Joweli 2:11

Simakadze uyabhavumula embikwalemphi yakhe. Emabutfo akhe manyenti ngalokungabaleki; banemandla labo labalalela umyalo wakhe. Lilanga laSimakadze likhulu, liyesabeka. Ngubani nje longemelana nalo?

Habakhuki 3:11

Lilanga nenyanga kwema emazulwini ngekumanyatela kwemicibisholo yakho legijimako nangekubaneka kwekumanyatela kwesikhali sakho.

Numeri 24:8

Nkulunkulu wabakhipha eveni laseGibhithe, unjengenyatsi lenemandla kubo. Bayakudla tive letititsa tabo, bephule ematsambo ato abe timvutfu, bagwaze leto tive ngetikhali.

Dutheronomi 32:23

“ ‘Ngiyawubutsisa tehlakalo etikwabo ngibafumbe ngemicibisholo yami.

Dutheronomi 32:42

Imicibisholo yami ngiyakuyenta idzakwe yingati, ngesikhatsi inkemba yami idla inyama, ingati yalabagwaziwe nalabatfunjiwe, tinhloko tebaholi betitsa.’ ”

Joshuwa 10:10

Simakadze wabatsela ngeluvalo, besaba ema-Israyeli. Ema-Israyeli awehlula ema-Amori, awancoba ngelusiko lwenkemba emphini yaseGibeyoni, abacosha abenyusa ngendlela yaseBhethi Horoni, abaphetse abagwaza kwaze kwabase-Azekha, naseMakheda.

1 Samuweli 2:10

Labo labamelene naSimakadze bayawuphihlika babe timvutfu. Uyawudvuma etikwabo asezulwini lakhe. Simakadze uyakwehlulela imikhawulo yonkhe yemhlaba. Inkhosi yakhe uyawuyinika emandla, aphakamise emandla alogcotjiwe wakhe.”