Tihlabelelo 18:12 - Siswati 1996 Bible

¹² Ebukhatikhatini bebukhona bakhe kwaphambana imibane, kwavela emafu lamnyama lahlomile, kwehla sangcotfo nemalahle lavutsako.

Tihlabelelo 18:12 Referencias Cruzadas

Tihlabelelo 104:2

Kukhanya kuyingubo lotembese ngayo, weneke emazulu njengekumiswa kwelithende;

Eksodusi 19:9

Simakadze wakhuluma kuMosi, watsi: “Ngitakwehla ngibesefini lelimnyama, khona bantfu batewungiva nangikhuluma nawe, bese bayakwetsemba njalo.” Mosi wase ukutjela Simakadze konkhe lokwakukhulunywe bantfu.

Isaya 50:3

Ngembatsisa sibhakabhaka ngebumnyama, ngente emasaka kube simbonyo saso.”

Matewu 17:2

Jesu wagucuka lesinye simo embikwabo, buso bakhe bakhatimula njengelilanga, tingubo takhe taba mhlophe njengekukhanya.

Matewu 17:5

Watsi asakhuluma loko, kwachamuka lifu lelikhatimulako, labasibekela. Kwevakala livi kulelifu litsi: “Lena yiNdvodzana yami letsandzekako, lengitfokota ngayo; yilaleleni!”

Joshuwa 10:11

Ema-Amori atsi asehla abalekela baka-Israyeli, ehla ngemgwaco losuka eBhethi Horoni uye e-Azekha, Simakadze wehlisa ematje lamakhulu esangcotfo, awehlisela etikwawo. Linyenti lema-Amori labulawa ngulamatje kunalabo labafa ngekugwazwa ngema-Israyeli.

Sembulo 16:21

Kwehla lesikhulu sangcotfo, lesingematje lamakhulu, sisindvo sawo lilinye litje bekungaba ngemakhilogremu langema-50. Lesangcotfo sehlela kubantfu labacalekisa Nkulunkulu ngenca yeluswati lababeshaywa ngalo, ngobe lwalwesabeka kakhulu.