Tihlabelelo 17:9 - Siswati 1996 Bible

⁹ ungivikele kulababi labangihlaselako nasetitseni tami lese tingitungeleta.

Tihlabelelo 17:9 Referencias Cruzadas

1 Tikhronike 17:9

Sive sami, ema-Israyeli, ngitasentela indzawo lenhle, ngisihlanyele khona kuze kube nelikhaya laso, singaphindzi sikhatsateke. Bantfu lababi bangeke baphindze basicitse njengobe bebenta ekucaleni,

Tihlabelelo 31:20

Ubafihla ekusitsekeni kwebukhona bakho, baphephe kulabo lababakhela lugibe; ubabhacisa endlini yakho, baphephe etinkhulumeni tembango.

Tihlabelelo 35:12

Bangiphindzisela lokuhle ngalokubi, umphefumulo wami bawudzabukisile.

Tihlabelelo 35:4

Shangatsi bangajabha, bahlazeke, labo labafuna umphefumulo wami; shangatsi bangahlakateka labo labacondze kungicitsa.

Tihlabelelo 35:7

Njengobe bangibekele lugibe ngaphandle kwesono, bangimbela umgodzi lolugibe ngingenacala,

Tihlabelelo 7:5

nakunjalo-ke: Sitsa sami asingitingele size singibambe, siyigcobagcobe emhlabatsini imphilo yami, ludvumo lwami luphelele elutfulini. Cabanga.

1 Samuweli 23:26

Sawula abehamba ngakulelinye licele lentsaba, kantsi naDavide nebalandzeli bakhe babehamba ngale kulelinye licele. Davide washesha wahamba lapho, ngobe abesaba Sawula. Kwatsi lapho Sawula nemabutfo akhe asatungelete Davide nemadvodza akakhe asacondze kubatfumba,

1 Samuweli 24:11

Buka, babe wami, buka nasi sicephu sengubo yakho sisesandleni sami! Ngijube umphetfo wengubo yakho, kodvwa wena ngangete ngakubulala. Yati kahle-ke nyalo, ucondzisise kutsi mine anginacala lekwenta bubi nelekumelana nawe. Mine angikakoni ngalutfo, kodvwa nguwe longitfungatsela kutsi utengibulala.