Tihlabelelo 17:14 - Siswati 1996 Bible

¹⁴ Simakadze, ngephule ngesandla sakho etandleni talabagungubele ngetintfo talomhlaba. Bajezise ngekuhlupheka lobabekele kona. Shangatsi kungenela bona kanye nebantfwababo, kwendlulele nakubatukulu bebatukulu babo.

Tihlabelelo 17:14 Referencias Cruzadas

Jobe 12:6

Emakhaya etigebengu akaphazanyiswa lutfo, nalabo labacunula Nkulunkulu baphephile, yebo, labo labaphetse nkulunkulu wabo ngetandla tabo.

Jobe 12:9

Ngukuphi emkhatsini wako konkhe loku lokungati kutsi konkhe loku kwentiwa nguSimakadze?

Jobe 21:21

Ngobe unandzabani nemndeni lawushiya ngemuva, nakufika kuphela kwetinsuku tekuphila kwakhe?

Jobe 22:18

Noko bekunguye labegcwalise tindlu tabo ngetintfo letinhle, ngako ngima bucalu neteluleko talababi.

Tihlabelelo 39:6

Impela, kuphila kwemuntfu kunjengesitfunti. Utihlupha ngelite nje. Ucongelela ingcebo, akabati labatawuyidla.

Tihlabelelo 73:12

Lababi-ke banjalo, bakhomba ngalosekhatsi, bandzise ingcebo.

Taga 2:4

kufunisise njengesiliva, ukumbe njengemcebo lofihliwe.

Matewu 13:44

“Umbuso welizulu ufanana nemcebo lofihlwe ensimini. Kwenteka indvodza yawutfola, yabuye yawugcibedzela. Yajabula kangangekuba yahamba yayawutsengisa ngako konkhe leyayinako yancandzeka, yayawutsenga leyo nsimi.”

Lukha 16:25

“Kodvwa Abrahama watsi: ‘Khumbula, ndvodzana yami, kutsi usaphila emhlabeni wanikwa konkhe lokuhle, kepha Lazaro abenikwe lokubi kodvwa. Sewuyajatjuliswa-ke lapha, kantsi wena sewusekuhluphekeni.

Lukha 16:8

“Inkhosi yayidvumisa lendvuna lengaketsembeki ngekwenta lentfo lenebucili kangaka, ngobe bantfu balomhlaba bahlakaniphile esitukulwaneni sabo kunebantfu bekukhanya.”

Johane 15:19

Kube benibelive, live belitanitsandza. Kodvwa anisibo belive, ngobe nganikhetsa eveni. Ngako-ke live liyanitondza.

Johane 17:14

Ngibanikile livi lakho; live labatondza ngobe bangesibo belive, njengobe nami ngingesiye walelive.

Johane 8:23

Watsi kubo: “Nine navela phansi, mine ngavela etulu. Nine nibelive, kodvwa mine angisiye wakulelive.

YaJakobe 5:5

La emhlabeni niphile ngekutamasa nangekutijabulisa, nakhuluphalisa tinhlitiyo tenu ngelilanga lekuhlatjwa.