Tihlabelelo 17:1 - Siswati 1996 Bible

¹ Awu, Simakadze, ase ulalele kuncusa kwami lokumsulwa. Beka indlebe yakho emthandazweni wami, lophuma emlonyeni lote inkhohliso.

Tihlabelelo 17:1 Referencias Cruzadas

2 Samuweli 22:24

Bengisolo ngite sici embikwakhe, ngitigcinile ngangete ngona.

2 Tikhronike 7:15

Emehlo ami ayawuvuleka, netindlebe tami tilalele imikhuleko lenikelelwa kulendzawo.

Nehemiya 1:6

Indlebe yakho ayilalele, nemehlo akho avuleke, khona utekuva umthandazo wenceku yakho lewuthandaza embikwakho imini nebusuku, ithandazela tinceku takho, sive sema-Israyeli. Ngiyativuma tono tetfu, tsine ma-Israyeli, ngitifaka ekhatsi nami, sonkhe kanye nendlu yaketfu kutsi sonile kuwe.

Jobe 16:17

Kodvwa noko tandla tami timsulwa ekulweni, nemkhuleko wami uhlobile.

Tihlabelelo 102:2

Ungabufihli buso bakho kimi, ngesikhatsi sekuhlupheka kwami! Beka indlebe yakho kimi; usheshe ungiphendvule njalo nje nangikhala kuwe.

Tihlabelelo 140:12

Ngiyati kutsi Simakadze uyayimelela indzaba yalohluphekile, awamelele nemalungelo alomphofu.

Tihlabelelo 142:1

Ngikhala kuSimakadze ngelivi lami. Ngincenga Simakadze ngelivi lami.

Tihlabelelo 142:6

Vani kukhala kwami, ngobe ngicindzeteleke kakhulu. Ngephule kulabo labangitingelako, ngobe banemandla kunami.

Tihlabelelo 143:1

Simakadze, vani umkhuleko wami ubeke indlebe yakho ekuncengeni kwami, ungiphendvule njengekwetsembeka kwakho nangekulunga kwakho.

Tihlabelelo 145:18

Simakadze usedvute nabo bonkhe labambitako, bonkhe labambita ngeliciniso.

Tihlabelelo 18:20

Simakadze wangiphatsa njengekulunga kwami, wangivuza njengebumsulwa betandla tami,

Tihlabelelo 18:44

Betive batsi bangangiva, bangihlonipha masinyane, beta kimi bakhasa.

Tihlabelelo 43:1

Hhawu Nkulunkulu, ngikhulumele ungimele ecaleni lami. Ungephule esiveni lesingamesabi Nkulunkulu, ungikhulule nakumuntfu lonemacebo nalongakalungi!

Tihlabelelo 5:2

Vani livi lekukhala kwami, ungisite, Nkhosi yami naNkulunkulu wami, ngobe ngithandaza kuwe, Simakadze.

Tihlabelelo 54:4

Ngempela, Nkulunkulu ungumsiti wami, Simakadze ungumvikeli wemphilo yami.

Tihlabelelo 55:18

Uyawungihlenga, anginike kuthula, angivikele kulemphi lengibhekene nayo, nome babanyenti labalwa nami.

Tihlabelelo 61:1

Lalela kukhala kwami, Nkulunkulu, uve umthandazo wami.

Tihlabelelo 61:2

Ngikhala kuwe ngikhashane, emajukujukwini emhlaba, ngesikhatsi inhlitiyo yami idzangele. Ngiholele edvwaleni leliphakeme kakhulu kunami.

Tihlabelelo 66:19

Ngempela, Nkulunkulu uvile, walilalela livi lemthandazo wami.

Tihlabelelo 7:8

Simakadze akehlulele tive. Simakadze, ngehlulele ngekulunga kwami, uhlole nebucotfo bami.

Tihlabelelo 84:9

Nkulunkulu, buka sihlangu setfu, buka, ubone buso balogcotjiwe wakho.

Tihlabelelo 86:1

Awu, Simakadze! Beka indlebe yakho, ungiphendvule, ngobe ngiselusizini nginguloweswele.

Tihlabelelo 86:6

Awu, Simakadze! Beka indlebe yakho ekukhulekeni kwami, uve livi lekuncusa kwami.

Tihlabelelo 88:3

Ngobe umphefumulo wami ugcwele tinsizi, nekuphila kwami sekusondzele ethuneni.

Isaya 29:13

Simakadze utsi: “Labantfu basondzela kimi ngemilomo yabo, bangihlonipha ngetindzebe temilomo yabo kuphela; kodvwa tinhlitiyo tabo tikhashane kabi nami. Kungikhonta kwabo kukwenta nje leyo mitsetfo lefundziswa bantfu.

Jeremiya 3:10

Ngetulu kwako konkhe loko, dzadzewabo longetsembeki, Juda, akazange abuyele kimi ngayo yonkhe inhlitiyo yakhe, kodvwa kwaba ngekutentisa nje,” kusho Simakadze.

Matewu 15:8

“ ‘Lesive singidvumisa ngetindzebe temlomo, kepha inhlitiyo yaso ikhashane nami,’ kusho iNkhosi.

Johane 1:47

Jesu wabona Nathanayeli eta kuye, wakhuluma ngaye watsi: “Bheka, nango-ke um-Israyeli wangempela, lekute bucili kuye.”

1 yaJohane 3:21

Batsandzekako, nangabe nembeza wetfu angasilahli, sinesibindzi kuNkulunkulu.