Tihlabelelo 16:4 - Siswati 1996 Bible

⁴ Tinkhatsato titakwandziswa kulabo labanikela kubonkulunkulu labanye. Ngingeke ngiyicitse ingati kutsi ibe ngumnikelo kulabanye bonkulunkulu. Ngingeke ngikhuleke kubo.

Tihlabelelo 16:4 Referencias Cruzadas

Genesisi 35:14

Kwase kutsi lapho akhuluma khona naNkulunkulu Jakobe wemisa litje lesikhumbuto, walitsela ngeliwayini nangemafutsa.

Tihlabelelo 32:10

Lomubi unekuhlupheka lokunyenti, kodvwa lowo lowetsembele kuSimakadze uhlala alondvolotwe ngumusa wakhe.

Tihlabelelo 97:7

Bayahlazeka badliwe ngemahloni bonkhe labakhonta tithico, bachoshe ngetithico letingenamsebenti. Bonkhe bonkulunkulu bakhotsama kuSimakadze.

Eksodusi 23:13

“Kulalele konkhe loku lengikushito kuwe. Ungawadvumisi emabito alabanye bonkulunkulu, ungawaphatsi ngisho nangemlomo wakho.”

Isaya 57:6

Emkhatsini wematje labusheleleti asemifudlaneni ukhetsa tithico takho, tona titabelo takho. Yebo, utfululele kuto iminikelo yetinatfo, wanikela nangeminikelo yalokutinhlavu. Ngifanele ngeneliseke yini ngato tonkhe letintfo?

Isaya 65:11

“Kodvwa nine lenilahla Simakadze, nikhohlwe intsaba yami lengcwele, nine lenendlala litafula nendlalele sithico lesinguNhlanhla, nigcwalise tindziwo ngeliwayini lelididiyelwe, nitigcwalisele sithico lesinguSimiselo,

Isaya 66:3

Batikhetsele tindlela tabo: Lowo lonikela ngemhlatjelo wenkunzi ufanana nemuntfu lobulala indvodza, nalowo lonikela ngelizinyane lemvu ufanana nemuntfu lowephula intsamo yenja. Lowo lowenta umnikelo walokutinhlavu ufanana nemuntfu lonikela ngengati yengulube, nalowo lotfuncisa imphepho yesikhumbuto ufanana nemuntfu lokhonta sithico. Imiphefumulo yabo iyatijabulisa kuleto tinengiso tabo.

Jeremiya 7:18

Bantfwana batfota tinkhuni, emadvodza alumekela imililo, bafati badovana nenhlama, babhaka emakhekhe eNdlovukazi yeliZulu. Batfulula iminikelo yetinatfo kulabanye bonkulunkulu bentela kuchukuluta lulaka lwami.

Levithikusi 23:13

kanye nemnikelo walokutinhlavu longemakhilogremu langaba mabili afulaha lobhicwe nemafutsa. Lowo ngumnikelo lowentiwa ngemlilo kuSimakadze, liphunga lelinuka lusi lolumnandzi kuSimakadze. Niyakuwunikela kanye nemnikelo weliwayini longagcwala lilitha linye.

Jona 2:8

Labo labakhonta bonkulunkulu labalite bamshiyile Nkulunkulu sibili lophatsana ngemusa.

Joshuwa 23:7

Ningatihlanganisi nato letive letisasele tilapha emkhatsini wenu. Ningacali nikhuleke nome nifunge ngaleto tithico tato. Kufanele ningatikhonti nome nikhotsame kuto.