Tihlabelelo 16:3 - Siswati 1996 Bible

³ Kodvwa ngalabangcwele labalapha emhlabeni ngitsi: “Batikhulu letincabile lengijabula ngato.”

Tihlabelelo 16:3 Referencias Cruzadas

2 Tikhronike 6:41

“Manje-ke, phakama, Simakadze Nkulunkulu, ute endzaweni yakho yekuphumula, wena kanye nelibhokisi lesivumelwane semandla akho. Awu, Simakadze Nkulunkulu, shangatsi baphristi bakho bangembatsiswa ngensindziso. Shangatsi labangcwele bakho bangajabula ngemusa wakho.

Tihlabelelo 101:6

Ngiyabanconota labo labetsembeke kuNkulunkulu, kulelive, kutsi bangahlala nami. Lowo lohamba ngendlela yebucotfo angaba yinceku yami.

Tihlabelelo 116:15

Kuligugu emehlweni aSimakadze kufa kwalabangcwele bakhe.

Tihlabelelo 119:63

Ngingumngani wabo bonkhe labakwesabako, labahamba ngetimiso takho.

Tihlabelelo 122:8

Ngenca yebazalwane bami nebangani bami ngitsi: “Kuthula akwandze ngekhatsi kwakho.”

Tihlabelelo 30:4

Nine labangcwele bakhe, hlabelani nidvumise Simakadze, nibonge libito lakhe lelingcwele.

Taga 12:26

Umuntfu lolungile ungumholi kumakhelwane wakhe; kodvwa lababi bayedukisana.

Taga 13:20

Lohambisana nebantfu labahlakaniphile naye ugcina asahlakaniphile; kodvwa umngani wetilima uyawuhlupheka.

Taga 8:31

Ngangidlalisela umhlaba wakhe, ngijabulela bantfu bonkhe.

Ingoma Yetingoma 7:10

Mine ngiwalongitsandzako, naye uyangilangatelela.

Isaya 62:4

Abasayiwukubita ngekutsi unguLahliwe, nome betse live lakini batsi nguShiywayedvwa. Kodvwa uyawubitwa ngekutsi unguHefsiba, nelive lakini kutsiwe yiBhewula, ngobe Simakadze uyawujabula ngawe, nelive lakini liyakwendza kuye.

Malakhi 3:17

Simakadze longuSomandla utsi: “Bayawuba bami ngelilanga lengiyawulungisa ngalo konkhe, babe bantfu bami labaligugu lami. Ngiyawubaphephisa njengendvodza nayiphephisa indvodzana yayo leyisebentelako.

Imisebenti yebaPhostoli 9:13

Kepha Ananiyase waphendvula watsi: “Nkhosi, bantfu labanyenti sebangitjelile ngalendvodza, nangabo bonkhe budlova lebentile kubantfu bakho eJerusalema.

KubaseGalathiya 6:10

Ngako-ke njengobe sinematfuba nje, asente lokuhle kubo bonkhe bantfu, ikakhulu kubendlu yaketfu yekukholwa.

Kubase-Efesu 1:1

Lencwadzi iphuma kuPawula, longumphostoli waKhristu Jesu ngekwentsandvo yaNkulunkulu. Iya kulabangcwele labase-Efesu labakholwa nguKhristu Jesu ngekwetsembeka.

kuThithusi 3:8

Lelivi licinisile. Ngifisa kutsi ukugcizelele loku, kuze labo labakholwe kuNkulunkulu bakhutsalele kwenta imisebenti lemihle. Loku kuhle, futsi kunelusito kubantfu.

KumaHebheru 6:10

Ngobe phela Nkulunkulu akakhetsi, futsi angeke ayikhohlwe imisebenti yenu nelutsandvo lenilukhombise ekusiteni labangcwele, njengobe nenta namanje.