Tihlabelelo 16:10 - Siswati 1996 Bible

¹⁰ Ngobe ungeke uvume kungiyekelela endzaweni yalabafile, nome-ke ungeke umvumele lotsandzekako wakho kutsi abole ethuneni.

Tihlabelelo 16:10 Referencias Cruzadas

Jobe 11:8

Kuphakeme kunemazulu; yini nje longayenta? Kujule kwendlula indzawo yalabafile; yini nje longayati?

Tihlabelelo 139:8

Nangikhuphukela emazulwini, wena ulapho, nangendlala licansi lami endzaweni yalabafile, wena ulapho.

Tihlabelelo 49:15

Kodvwa, Nkulunkulu, umphefumulo wami uyakuwuhlenga emandleni ekufa ngobe uyawungemukela. Cabanga.

Tihlabelelo 9:17

Lababi baya ekufeni, yebo, bonkhe labafulatsela Nkulunkulu.

Taga 15:11

Kufa nekubola kusemehlweni aSimakadze. Pho, umuntfu angayifihla kanjani imicabango yakhe kuSimakadze?

Taga 27:20

Njengobe emehlo emuntfu angeke eneliswe, kanjalo lithuna nekufa kungeke kweneliswe.

Isaya 14:9

“Indzawo yalabafile ngaphansi nayo iyanyakata itsakasele kutsi ikuhlangabete nawuta kuyo. Lendzawo ivusa umoya walasebalala kutsi itekuvusela bonkhe labo bebabaholi emhlabeni, ibente basukume etihlalweni tabo tebukhosi bonkhe nalababengemakhosi etive.

Isaya 5:14

Ngako-ke lithuna selandzise kakhulu kukhanuka kwalo kudla, selivule umlomo walo ngalokwengcile; bahlonishwa baso bayakwehlela khona kanye nabo bonkhe bantfu baso nabo bonkhe labajabulako babanga umsindvo lomkhulu.

Danyela 9:24

“Tikhatsi letingema-70 timiselwe bantfu bakini, nelidolobha lakini kutsi bayekele kona nekwephula imitsetfo, bacedze tono, bahlawulele bubi, bangenise kulunga kwaphakadze, kuciniselwe umbono netiphrofetho, kugcotjwe lowo Longcwelengcwele.

Levithikusi 19:28

Ningatigati imitimba yenu nentele labafile nome nitibeke timphawu ngekutisika imitimba yenu; nginguSimakadze.

Amose 9:2

Nome bangemba bashone phansi ekujuleni kwelithuna, nakhona lapho sandla sami siyawubakhipha. Nome bangekhwela benyukele etulu emazulwini, nakhona lapho ngiyawubehlisela phansi.

Numeri 6:6

Ngawo onkhe lawo malanga layawube atehlukanisela ngawo Simakadze akayiwusondzela edvute nesidvumbu,

Lukha 1:35

Ingilosi yamphendvula yatsi: “Moya Longcwele uyakwehlela kuwe, emandla aNkulunkulu Losetikwako Konkhe akusibekele. Ngako-ke lomntfwana Longcwele lotawutalwa nguwe uyawubitwa ngekutsi yiNdvodzana yaNkulunkulu.

Lukha 16:23

Sabasebuhlungwini lobukhulu endzaweni yalabafile; satsi sibuka ngetulu sabona Abrahama akhashane, anaLazaro.

Lukha 4:34

“Awu! Jesu waseNazaretha ufunani kitsi? Sewutele kutesibhubhisa yini? Ngiyakwati kutsi ungubani; unguLongcwele waNkulunkulu.”

1 kubaseKorinthe 15:42

Kunjalo-ke kuvuka kulabafile. Kuhlanyelwa kunekubola, kuvuswe kungasenakubola.

Dutheronomi 32:22

Ngobe umlilo uphembeke ngentfukutselo yami, umlilo lovutsa ufike phansi ekujuleni endzaweni yalabafile. Uyawudla umhlaba kanye netivuno tawo, ulumeke umlilo etisekelweni tetintsaba.

Sembulo 1:18

nalophilako. Ngafa, kodvwa ase ubheke nyalo, sengiyaphila, kuze kube phakadze, futsi nginetikhiya tekufa neteHayidesi.

Sembulo 20:13

Lwandle lwakhipha labafile lababekulo, kufa nendzawo yalabafile kwaniketa labafile lababekuko; bonkhe bantfu behlulelwa ngekwemisebenti yabo.