Tihlabelelo 147:14 - Siswati 1996 Bible

¹⁴ ente iminyele yakho ibe nekuthula, anesutsise ngakolweni lomnandzi.

Tihlabelelo 147:14 Referencias Cruzadas

1 Tikhronike 22:9

Kodvwa noko utawutala indvodzana letawuba ngumuntfu wekuthula newekuphumula, futsi ngitamnika kuthula kuto tonkhe titsa takhe letibomakhelwane bakhe. Libito lakhe kuyawuba nguSolomoni. Ngiyawunika ema-Israyeli kuthula nenhlalakahle ekubuseni kwakhe.

Tihlabelelo 122:6

Thandazelani kutsi kube nekuthula eJerusalema: “Shangatsi bangaphumelela babe nenhlanhla, bantfu labatsandza wena, Jerusalema.

Tihlabelelo 132:11

Simakadze wafunga kuDavide, wenta sifungo langeke ajike kuso, watsi: “Lomunye wemadvodzana akho ngiyawumenta abe yinkhosi emvakwakho.

Tihlabelelo 132:15

Ngiyawuyibusisa ngako konkhe lekudzingako; ngesutsise timphuya tayo ngekudla.

Tihlabelelo 29:11

Simakadze bantfu bakhe uyawubanika emandla! Simakadze, bantfu bakhe uyawubabusisa ngekuthula!

Tihlabelelo 81:16

Bengiyawunipha kolo lomnandzi kakhulu, yebo, bengiyawunesutsisa ngeluju lwetinyosi temadvwala.”

Isaya 66:12

Ngobe naku lokushiwo nguSimakadze, utsi: “IJerusalema ngiyakuyiletsela kuthula lokuyawugobhota njengemfula, bunjinga betive bute kuyo njengemfula longenelako. Niyawumunya kuyo, netfwalwe ngumkhono wayo, nidlaliselwe emadvolweni ayo.

Hezekeli 16:13

Ngako wase uhlotjiswe ngegolide nangesiliva; kwekwembatsa kwakho kwakukwelineni lecolisakele nekwemtiya lodulile, nendvwangu lehlotjisiwe. Kudla kwakho kwakukwafulaha locolisakele, nekweluju lwetinyosi, nekwemafutsa emncumo. Wagucuka waba muhle wacitsa sikhatsi, wadzimate waba yinkhosikati yasebukhosini.

Hezekeli 27:17

“ ‘Bahwebi bakaJuda nebaka-Israyeli babetsengiselana nawe; babekutsengisela timphahla takho ngakolo labephuma eMinithi, nangabojece, nangeluju lwetinyosi, nangemafutsa, nangebhalisamu.

Levithikusi 26:6

“ ‘Lelive ngiyawulipha kuthula, nicambalale ngekukhululeka ningesatjiswa lutfo. Tonkhe tilwane letiyingoti kini ngiyawutisusa kulelo live, kungabikho timphi eveni lenu.

Zakhariya 9:8

Kodvwa ngiyakuyivikela indlu yami, ngimelane nanome nguyiphi imphi lengahle yendlule kuyo. Bacindzeteli abasayiwuphindze basibuse sive sami, ngobe nyalo sengiyaselusa ngemehlo ami.

Dutheronomi 32:14

Wamkhuluphalisa ngemasi nangelubisi lwemhlambi yetinkhomo netimbuti, nangemazinyane lakhuluphalisiwe etimvu netimbuti, nangetihhanca telikhetselo taseBhashani, nangetinhlavu letikhetsekile takolo. Wanatsa liwayini lelimnandzi kakhulu lelibovu.