Tihlabelelo 145:3 - Siswati 1996 Bible

³ Mkhulu Simakadze, ufanele kudvunyiswa kakhulu, bukhulu bakhe abuphenyisiseki.

Tihlabelelo 145:3 Referencias Cruzadas

1 Tikhronike 16:25

Ngobe mkhulu Simakadze, ufanele kudvunyiswa kakhulu, ufanele kwesatjwa kunabo bonkhe bonkulunkulu.

Jobe 26:14

Lawa ngemacentselo nje emisebenti yakhe. Maye, lokukhulunywa ngaye sikuva kalufifi! Ngubani nje longakucondza kudvuma kwemandla akhe?”

Jobe 36:26

Maye, mkhulu Nkulunkulu! Bukhulu bakhe bungetulu kwekucondza kwetfu. Bunyenti beminyaka yakhe bungetulu kwekubala kwemuntfu.

Jobe 37:23

Somandla ungetulu kwemandla etfu, uphakeme ngemandla nangekulunga kwakhe; ngebukhulu bekulunga kwakhe akacindzeteli muntfu.

Jobe 5:9

Yena wenta timangaliso letingeke tichazwe ngumuntfu, ente nemigilingwane lengeke ibalwe ngumuntfu.

Jobe 9:10

Wenta tigemegeme letingaphenyeki, netimangaliso letingeke setibalwe ngumuntfu.

Tihlabelelo 139:6

Indlela longati ngayo iyangimangalisa, iphakeme, ngingeke ngifinyelele kuyo.

Tihlabelelo 147:5

Mkhulu Simakadze wetfu, nemandla akhe makhulu, kuhlakanipha kwakhe akunakulinganiswa.

Tihlabelelo 48:1

Simakadze mukhulu, ufanele kubongwa kakhulu, ubongeka ekhaya laNkulunkulu wetfu, lekuyintsaba yakhe lengcwele.

Tihlabelelo 96:4

Simakadze mkhulu, ufanele kudvunyiswa kakhulu, ufanele kwesatjwa kunabo bonkhe bonkulunkulu.

Isaya 40:28

Awati yini? Awukeva yini? Simakadze unguNkulunkulu waphakadze, uMdali wemikhawulo yemhlaba. Angeke adzinwe, futsi ngeke akhatsale, nekucondza kwakhe kute longakuphenyisisa.

KubaseRoma 11:33

Maye, kujula kwemcebo, nekwenhlakanipho, nekwelwati lwaNkulunkulu! Ngubani nje longaphenya kwehlulela kwakhe ahlolisise imfihlakalo yetindlela takhe?

Sembulo 15:3

Babehlabela ingoma yaMosi, sisebenti saNkulunkulu, nengoma yeliWundlu, batsi: “Tinkhulu tiyamangalisa tento takho, Nkhosi, Nkulunkulu, Somandla! Tilungile tiliciniso tindlela takho, Nkhosi yetive tonkhe.